鰻の成瀬

營業中

休息中

今日想去銅鑼灣買個外賣返屋企慢慢食，於是就去咗SOGO樓下好多日式料理選擇嘅樓層。見到有一間專係食鰻魚嘅店舖，離遠已經聞到好香嘅燒汁同埋鰻魚味。鰻魚飯（梅） 佢嘅鰻魚飯一共有四個大細可以選擇，我就揀咗第二細嘅梅。雖然佢唔係最大嘅份量，但係佢嘅鰻魚都好大條，而且飯都好足夠。佢既鰻魚燒得好香，加埋佢嘅飯好有咬口，整體嚟講算係一個好食嘅鰻魚飯。鰻之飯糰DX 除咗普通鰻魚飯之外，佢都有好多唔同選擇嘅飯團。而佢呢一個飯團嘅鰻魚份量非常多，而且飯團燒到脆脆地，好有口感。鰻魚玉城燒 其實呢一個就係鰻魚玉子燒，玉子燒好甜，加埋鰻魚嘅香味，層次非常豐富。鰻之烤飯團唔夠飽其實可以選擇呢一個飯團，同上面嘅有少少唔同，呢個飯團嘅鰻魚肉係喺飯入邊，份量相比冇咁多，但係都相當之香。