紅豆烘焙 (寶靈街)

營業中

休息中

今日出佐敦經過紅豆烘焙，就買咗兩個麵包。一個係芝士香腸茄汁麵包，另一個係沙律醬配蔬菜蕃茄熱狗。先講芝士香腸包，上面啲芝士超香超多超濃，同埋個麵包可能係新鮮出爐嘅關係，非常鬆軟好味。而另外嘅熱狗個沙律醬配埋蕃茄，青瓜，生菜超好味，絕對係早餐之選。再加埋德國香腸又係食到停唔到口。其實除左麵包，仲有蛋撻，中式甜點，西式甜點，曲奇，蛋糕等等.....包羅萬有，琳瑯滿目，而且keep住新鮮出爐，我見到買麵包嘅人都好多，所以賣得快亦都出爐，咁一定樣樣都新鮮熱辣辣好味啦！