牛極 (馬頭圍道) (已結業)

首次幫襯, 一字概之曰 : 正😆未試過的~快去。食物要吸引人, 色香味缺一不可, 再加上石燒温度得宜, 熱的够熱, 冷的冰凍, 姐姐們招呼又殷勤, 窗明几淨整潔舒適, 這間食店💖簡直無可挑剔!由於係第一次, 只試咗大路嘢, 有了足夠信心,下次就可以再試當真~和牛, 以咁嘅價錢, 任食任添的湯,飯熱辣辣, 生菜凍冰冰, 醬汁各適其式, 包你一試愛上, 反正我同朋友都好滿意, 估計下次會好快再返嚟👍👍👍附上隨意拍的兩張相, "亂切”牛肉雖然係最平嘅選擇卻不是行貨, 點燒汁或加BBQ粉/原粒黑椒/岩盐你自己揀。鰻魚多汁肥美, 入口豐腴大滿足, 魷魚鬚又香又鮮。唔信? 自己去試下就知啦 😄