影片
更多
2020-11-30
491 瀏覽
朝早收到張傳單📄，原來公司附近開咗間關東煮嘅舖頭，講起關東煮，真係好掛住日本呀🎏，好耐無飛啦😭，唯有先喺香港懷緬一下日本的味道啦，反正呢度都係日本人主理嘅🎎，應該唔會相差得太遠。 荔枝角呢頭好多餐廳都開喺工廈上面，呢間都唔例外，我事先已經喺whatsapp落定單，一上到去已經可以拎，仲包得好靚仔添，宜家憑單張上面嘅coupon仲可以減＄5添。不過大家如果唔方便上去拎，都可以叫Uber Eat🚙，都有得送外賣㗎。 我揀咗個廚師發辦＄55 有關東煮加一個十五穀飯，新張期間仲送炸雞柳2件添，平時要＄20/2條㗎。 關東煮入面有黑魔芋、蘿蔔、北海道黃色薯仔、野菜豆腐、水煮蛋、蝦餅、墨魚丸。 黑魔芋：煙煙韌韌，食落幾有咬口蘿蔔：非常鮮甜，而且無渣北海道黃色薯仔：未試過呢種著仔，食落好似蕃薯咁，味道好粉好甜野菜豆腐：豆腐吸咗啲湯汁，更加入味水煮蛋：隻蛋係日本蛋，食落更有蛋香味蝦餅🦐：蝦餅爽口彈牙墨魚丸：好大粒，亦都好彈牙 店員仲比咗啲黃芥辣我哋話可以點嚟食，別有一番風味。 十五穀飯：平時食嘅多數只會係十穀飯，今次係十五穀仲健康，個飯仲有啲薯絲同魷魚絲。平凡得嚟又帶點不平凡。 😜炸雞炸柳啲炸粉唔會好
朝早收到張傳單📄，原來公司附近開咗間關東煮嘅舖頭，講起關東煮，真係好掛住日本呀🎏，好耐無飛啦😭，唯有先喺香港懷緬一下日本的味道啦，反正呢度都係日本人主理嘅🎎，應該唔會相差得太遠。
荔枝角呢頭好多餐廳都開喺工廈上面，呢間都唔例外，我事先已經喺whatsapp落定單，一上到去已經可以拎，仲包得好靚仔添，宜家憑單張上面嘅coupon仲可以減＄5添。不過大家如果唔方便上去拎，都可以叫Uber Eat🚙，都有得送外賣㗎。
我揀咗個廚師發辦＄55 有關東煮加一個十五穀飯，新張期間仲送炸雞柳2件添，平時要＄20/2條㗎。
關東煮入面有黑魔芋、蘿蔔、北海道黃色薯仔、野菜豆腐、水煮蛋、蝦餅、墨魚丸。
黑魔芋：煙煙韌韌，食落幾有咬口
蘿蔔：非常鮮甜，而且無渣
北海道黃色薯仔：未試過呢種著仔，食落好似蕃薯咁，味道好粉好甜
野菜豆腐：豆腐吸咗啲湯汁，更加入味
水煮蛋：隻蛋係日本蛋，食落更有蛋香味
蝦餅🦐：蝦餅爽口彈牙
墨魚丸：好大粒，亦都好彈牙
店員仲比咗啲黃芥辣我哋話可以點嚟食，別有一番風味。
十五穀飯：平時食嘅多數只會係十穀飯，今次係十五穀仲健康，個飯仲有啲薯絲同魷魚絲。平凡得嚟又帶點不平凡。 😜
炸雞炸柳啲炸粉唔會好厚，感覺唔會好油膩同熱氣。 🥵
成餐都感覺好健康呀💪，絕對可以一試！
張貼
