新合發飯店

營業中

休息中

點解覺得係香港人味道，因為感覺好貼地地方舊舊但係就感覺好有人情味，事緣就係好耐冇去打啦，咁不如就去啦。唔係因為沙田大圍區又真係冇乜選擇。基本上呢間餐廳都唔係第一次食，唔會覺得好差唔會覺得特別好。兩個人其實又唔記得多嘢一坐低，即刻整返個韭菜豬紅，好味可能耐冇食啦！之後再嚟一個三併滷味，紅腸、墨魚、鵝腸，當然真係有豆腐芽菜薦底，老老實實味道不過不失。再加一個白粥，真係好港式口味。間唔中食一次其實OK，再黎一枝藍妹，正！座位唔係特別好楚但係都算闊落，大家都傾到計，衛生又唔會話覺得特別好亦唔會覺得特別差，如果住附近其實想食潮州菜都可以去試。