呂錦記手撕雞專門店 (皇后大道西)

營業中

休息中

今日同屋但人係西營盤買海味，見到手撕雞專門店，有多種口味，吸引左我去幫襯。最特別係當場即撕雞肉🍗，大大隻雞即場撕出一絲絲雞肉，我就點左五香花生手撕雞半隻$58，西域孜然手撕雞半隻$60，雞腎一份$18，菜脯一份$18。呢度有中英對照餐牌好貼心既安排☺️五香花生手撕雞大大粒花生鋪係面，脆口入味，有五香味，亦有炒香過花生🥜個種味，濃濃的。呢款手撕雞唔辣，雞味好濃，雞肉質地好似走地雞個種口感，煙韌，有雞味，雞皮方面一啲唔肥，我通通都食曬，有咬口。鳳爪有一隻，意外驚喜煮得好嫩滑，一啲唔硬，雞皮係脆口，單單一隻鳳爪食到好乾淨😍😍如果小食有鳳爪賣我會買來食🤤🤤西域孜然手撕雞🌶️有陣陣孜然味，醬料方面份量岩岩好，1:1既份量，亦都唔會太咸，送飯一流，🌶️有一隻，有微辣，唔食得辣既人都食到，呢種味道好想令日再食🤤雞腎雞腎小食亦都有驚喜！脆口爽口，一啲都難咬😋唔會覺得腥，份量又多，超抵食！