曾三仙米綫 (花園街)

營業中

休息中

唔知點解香港人真係好鍾意食米線今次我就去咗曾三仙米線首先，我叫咗一碗雞汁三仙米線，裏面會有雞件同雞肉，仲會有唔同嘅雜菌喺裏面，湯底濃郁鮮甜，而且一煲拎上嚟熱辣辣好好味。另外想重口味少少嘅話，不妨試吓酸湯腰花米線，湯底酸中帶甜，清爽唔油膩。腰花爽口，裏面仲會有海帶絲。另外建議大家加$11叫一份蟹棒，因為佢嘅蟹棒超級長，食落去啖啖肉好享受。我另外仲叫咗兩樣小食。鍋巴土豆外脆內軟而且甜甜地，仲識拉絲。牛肉丸彈牙多汁，肉質鮮美，配上清湯更加美味。最後來一杯冰糖山楂凍，甜而不膩，清涼解渴。而百香茉莉茶，清香宜人。