影片
更多
2023-02-10
135 瀏覽
身為一個港女，得閒梗係要歎個三層架下午茶先叫生活！😝今次就去咗香港公園入面嘅餐廳食 tea！餐廳分咗室內同室外，室外嘅座位有一個個藤籃包住，附近都係花花草草🌺🌱，好有渡假 feel！👗而室內裝修有啲似英式茶室，簡約不失格調，窗邊仲可以望到湖同瀑布🌴，加上環境好寧靜，真係好 chill、好寫意！High Tea Set $488 for 2呢個 Tea Set 用 3層架做擺盤，餐具簡約優雅，絕對係為打卡而設！📸兩位用 $488+10%服務費，以 Tea Set 嚟講唔算太貴，單單食環境都好OK！雖然食材唔算好名貴，整體上件件都好食，😊而且味道都突出，唔似有啲主題下午茶，一味得一重味咁膩。🥯頭盤當然係 Scones，鬆餅夠軟熟，油香十足，唔會有粉味。提提大家，一齊上嘅 4個醬，得 clotted cream 同 organic jam 係塗鬆餅嘅～其他兩個鹹嘅係點第一層炸嘢食嘅！不過我將啲蘑菇醬塗咗落鬆餅，原來都幾夾！ 🍤第一同第二層都係鹹點，啱啲怕食太怕會滯嘅朋友！第一層主要係炸物，Pondside crabcakes 最好食，蟹肉好多好鮮味，而 Risotto balls 同 Veg
High Tea Set $488 for 2
呢個 Tea Set 用 3層架做擺盤，餐具簡約優雅，絕對係為打卡而設！📸兩位用 $488+10%服務費，以 Tea Set 嚟講唔算太貴，單單食環境都好OK！雖然食材唔算好名貴，整體上件件都好食，😊而且味道都突出，唔似有啲主題下午茶，一味得一重味咁膩。
🥯頭盤當然係 Scones，鬆餅夠軟熟，油香十足，唔會有粉味。提提大家，一齊上嘅 4個醬，得 clotted cream 同 organic jam 係塗鬆餅嘅～其他兩個鹹嘅係點第一層炸嘢食嘅！不過我將啲蘑菇醬塗咗落鬆餅，原來都幾夾！
🍤第一同第二層都係鹹點，啱啲怕食太怕會滯嘅朋友！第一層主要係炸物，Pondside crabcakes 最好食，蟹肉好多好鮮味，而 Risotto balls 同 Vegetarian spring rolls 都好脆，要趁熱食呀！
🥪中間嗰層係可以凍食嘅鹹點，Parma ham on cantaloupe 唔洗講都知咩味，基本上唔會唔好食，Open sandwiches 輕巧無咩負擔，一啖就吞落肚，而 Shrimp cocktails 幾特別，凍蝦下面係牛油果醬，加咗少少香草調味，唔會膩之餘好好食！
🧁最底層係甜點，4件都唔太甜而且好食。Macaroons 細細件一口一粒，；Tiramisu 有啖啖咖啡同酒味，好軟滑；Panna Cotta 上層係紅莓醬酸酸甜甜，下層奶凍好滑有奶味；Cake of the day 呢件最好食，有淡淡焦糖香，燉蛋嘅味道好濃厚。
張貼
