影片
更多
2022-11-06
2343 瀏覽
📌 阿木台灣麵 (豉油街) - 旺角豉油街60-102號鴻都大廈地下3-4號舖🗓(5/11) 星期六 ⏰ 晚上6點左右 💈特式：呢間都係少數我係香港一諗起想食台灣野就會先諗起嘅舖頭，我由佢開業已經有幫襯食到而家，品質都一直keep到，呢樣都係比較難得。🥩🍔🌭🌮🥗🥯🥘🍲🍝🍣🥟🍤🍱食物：佢係旺角有兩間店，今日我就去佢豉油街間總店，平時呢間店都係大排長龍，不過我今日就比較早，未夠6點就去，所以都唔洗等就可以直接入坐，今次等我同大家講下台灣味道先。蕃茄牛肉麵🍅🐮🍜 - 既然佢係台灣菜，牛肉麵就一定唔少得，我平時係食開佢原味嘅紅燒牛肉麵，今次就第一次試佢個蕃茄牛肉麵，先講佢個蕃茄湯都做得好濃郁，好香蕃茄味，同埋食得出係用新鮮蕃茄做湯，唔係加茄膏，另外個牛肉就真係值得大大力讚下，份量多唔在講，有5~6大片仲要厚身，個牛肉炆得淋到90歲阿婆都食到，但唔係霉個隻淋，係用長時間炆到入面個隻淋。因為呢間台灣野嘅小食真係相當出色，所以我兩個人只係叫一碗麵，情願叫多幾份小食嘆下。芝士肉鬆蛋餅 - 我特登去食其中一個原因就係想食呢個蛋餅，佢係我係香港食過頭3甲之一，餡料多，蛋皮煙韌，調味適中，真係
🗓(5/11) 星期六 ⏰ 晚上6點左右
💈特式：呢間都係少數我係香港一諗起想食台灣野就會先諗起嘅舖頭，我由佢開業已經有幫襯食到而家，品質都一直keep到，呢樣都係比較難得。
🥩🍔🌭🌮🥗🥯🥘🍲🍝🍣🥟🍤🍱
食物：佢係旺角有兩間店，今日我就去佢豉油街間總店，平時呢間店都係大排長龍，不過我今日就比較早，未夠6點就去，所以都唔洗等就可以直接入坐，今次等我同大家講下台灣味道先。
蕃茄牛肉麵🍅🐮🍜 - 既然佢係台灣菜，牛肉麵就一定唔少得，我平時係食開佢原味嘅紅燒牛肉麵，今次就第一次試佢個蕃茄牛肉麵，先講佢個蕃茄湯都做得好濃郁，好香蕃茄味，同埋食得出係用新鮮蕃茄做湯，唔係加茄膏，另外個牛肉就真係值得大大力讚下，份量多唔在講，有5~6大片仲要厚身，個牛肉炆得淋到90歲阿婆都食到，但唔係霉個隻淋，係用長時間炆到入面個隻淋。
因為呢間台灣野嘅小食真係相當出色，所以我兩個人只係叫一碗麵，情願叫多幾份小食嘆下。
芝士肉鬆蛋餅 - 我特登去食其中一個原因就係想食呢個蛋餅，佢係我係香港食過頭3甲之一，餡料多，蛋皮煙韌，調味適中，真係無可挑剔。
鹽酥雞 - 鹽酥雞都係台灣名物之一，佢個鹽酥雞炸得好香，又唔油膩，不過提一提大家，如果上台你就咁食係會覺得佢唔係好夠味，一定要落佢台面提供嘅鹽素雞調味粉一齊食先會夠味。
古早味烤排骨 - 呢個小食我係第一次叫，估唔到有驚喜，排骨炸得夠脆，味道都幾好食，不過美中不足係有少少皮肉分離，同埋有少少油。
☕️🍵🥤🧋🍺🍷🥃🍹🧉🍾🍶🥛
飲品 - 飲品都有好多台式飲品選擇，甜度/冰量亦都可以自選，我就叫左杯黑糖珍珠鮮奶，真心唔錯，奶味幾香，d珍珠夠多，又好煙韌Q彈。
🍽環境：餐廳環境都係正正常常香港茶記咁上下，餐廳乾乾淨淨，枱都夠大，上晒菜仲有足夠空間，餐具係使用獨立包裝即棄餐具，雖然唔係好環保，但就夠晒衛生。
🤵🏻🤵🏻♀️🤵🏻♂️服務：職員服務態度正常，上菜速度都合理。
💰💸價錢：今日咁樣叫左1碗麵，3個小食，1杯野飲，埋單$210，我覺得計埋份量同質素一d都唔貴，雖然未可以叫做抵，但已經相當合理。
🐲💬總結：我就一定會keep住幫襯，如果大家想食台灣野都建議去試下。
推薦指數：❤️❤️❤️❤️❤️
蕃茄牛肉麵
$70
59 瀏覽
0 讚好
0 留言
芝士肉鬆蛋餅
$44
55 瀏覽
0 讚好
0 留言
鹽酥雞
$39
38 瀏覽
0 讚好
0 留言
古早味炸排骨
$40
39 瀏覽
0 讚好
0 留言
黑糖珍珠鮮奶
20 瀏覽
0 讚好
0 留言
張貼
