影片
更多
2024-10-02
84 瀏覽
行行下街，經過呢間冰室，就入去坐低抖下，嘆個下午茶。我通常都會點菠蘿包、西多士、炸雞髀、蛋撻呢類型嘅小食，唔會太滯嘛。菠蘿包：今次一於試下佢哋出品嘅菠蘿包，睇下有冇料到先。菠蘿包正常size，熱辣辣，菠蘿皮酥化，麵包鬆軟，新鮮出爐嘅麵包香味，真係特別難以抗拒。吉列魚柳：啱啱見到隔離枱叫咗個炸魚柳，啱啱炸起，色澤金黃，好吸引。兩塊炸魚，新鮮炸起卜卜脆，魚塊雖然唔係特別大片，但勝在炸粉唔厚，咬落去入面都幾juicy喎！我最鍾意點埋個沙律醬一齊食。紅豆冰：食完炸嘢，都有啲口渴。想飲杯甜嘢，嗌咗杯紅豆冰。呢一杯有接近半杯紅豆，紅豆都沉咗係底，飲嘅時候撈一撈，味道啱啱好，又唔會太甜，好滿足嘅下午茶！
菠蘿包：今次一於試下佢哋出品嘅菠蘿包，睇下有冇料到先。菠蘿包正常size，熱辣辣，菠蘿皮酥化，麵包鬆軟，新鮮出爐嘅麵包香味，真係特別難以抗拒。
吉列魚柳：啱啱見到隔離枱叫咗個炸魚柳，啱啱炸起，色澤金黃，好吸引。兩塊炸魚，新鮮炸起卜卜脆，魚塊雖然唔係特別大片，但勝在炸粉唔厚，咬落去入面都幾juicy喎！我最鍾意點埋個沙律醬一齊食。
紅豆冰：食完炸嘢，都有啲口渴。想飲杯甜嘢，嗌咗杯紅豆冰。呢一杯有接近半杯紅豆，紅豆都沉咗係底，飲嘅時候撈一撈，味道啱啱好，又唔會太甜，好滿足嘅下午茶！
張貼
