影片
更多
2020-11-30
2570 瀏覽
去長沙灣 Lungo 新店吃完，發現附近另一間新咖啡店 OWLs Coffee 都想試下，就順便去嘆杯啡坐下。店內佈滿黑白手繪動物圖案，可愛又吸睛，中午時份有陽光曬住飲咖啡勁舒服寫意。咖啡店在一個較隱閉的轉角位，自成一角又幾安靜舒服。動物圖案彩繪玻璃加上綠色植物牆好適合影打卡相。飲品有咖啡有茶，也有抹茶、焙茶等等，仲有幾款唔同的朱古力喎。鹹食有各種多士，頭兩款都係無肉蛋奶素食，多士可以轉牛角酥或貝果。甜品類我見都幾受歡迎，現在好似主打黑朱古力泡芙窩夫，螞蟻人可以來吃吃看。店子面積不大，有一半係咖啡吧檯，白色主調設計影相都幾靚。店內座位不多，三張兩人檯加一張四人檯，再加吧檯位幾個。入面有一片綠色植物牆都適合影打卡相。咖啡機也有滿滿動物圖案幾得意，好有個人特色。我覺得牛角酥望起來最吸引。Latte HK$40本來有少少心動試甜品，但店內只收現金我又未提款，所以只夠錢飲杯咖啡哈哈哈哈。Latte 正正常常咁啦，拉花幾靚。我最鍾意靠窗這個吧檯單邊位，中午有陽光曬入來超舒服，不過陽光到一點就會不見了~ 要好好把握 XD咖啡店這天播陳奕迅老歌精選我聽得好開心，老人我只識十年前的經典金曲。不經不覺長
去長沙灣 Lungo 新店吃完，發現附近另一間新咖啡店 OWLs Coffee 都想試下，就順便去嘆杯啡坐下。店內佈滿黑白手繪動物圖案，可愛又吸睛，中午時份有陽光曬住飲咖啡勁舒服寫意。
咖啡店在一個較隱閉的轉角位，自成一角又幾安靜舒服。
動物圖案彩繪玻璃加上綠色植物牆好適合影打卡相。
飲品有咖啡有茶，也有抹茶、焙茶等等，仲有幾款唔同的朱古力喎。
鹹食有各種多士，頭兩款都係無肉蛋奶素食，多士可以轉牛角酥或貝果。
甜品類我見都幾受歡迎，現在好似主打黑朱古力泡芙窩夫，螞蟻人可以來吃吃看。
店子面積不大，有一半係咖啡吧檯，白色主調設計影相都幾靚。
店內座位不多，三張兩人檯加一張四人檯，再加吧檯位幾個。入面有一片綠色植物牆都適合影打卡相。
咖啡機也有滿滿動物圖案幾得意，好有個人特色。
我覺得牛角酥望起來最吸引。
Latte HK$40
本來有少少心動試甜品，但店內只收現金我又未提款，所以只夠錢飲杯咖啡哈哈哈哈。Latte 正正常常咁啦，拉花幾靚。
我最鍾意靠窗這個吧檯單邊位，中午有陽光曬入來超舒服，不過陽光到一點就會不見了~ 要好好把握 XD
咖啡店這天播陳奕迅老歌精選我聽得好開心，老人我只識十年前的經典金曲。
不經不覺長沙灣荔枝角一帶越來越多特色咖啡店，在這區工作或住宿都有好多新選擇，你又飲過邊幾間呢？
張貼
