甜之迷 (已結業)

邊度有好味又有特色果d甜品屋我都幾乎去過,唔係同人迫餐死,搭枱咩都有, 九龍城我成日都去,果度想搵咩食都有,泊車泊係九龍城廣場就最方便,依間甜之迷最吸引我唔止係舒適ge環境,同friend傾計一流, 通常環境正, 一係好貴,一係好難食, 佢地ge選擇很多,我去過3次,都未食哂全部款式, 店長推介左我有幾款,真係好得,一定要介紹比大家..榴槤腸粉-外層的腸粉皮店長話係類似苟藥來造,食落去滑dodo,裡面的榴槤超甘香,榴槤迷一定要試!心太軟-係我食過的心太軟中最好味的, 旁邊有個vanila雪糕,配搭很好,心太軟外層又脆又暖,一篤開裡面d朱古力流出來,我都未試過竟然會食哂d朱古力槳,我估佢地用靚朱古力,味道特別濃郁木槺豆腐布丁-豆腐味很香,唔會很'漏',而且很滑,唔係雪到好實果種藍莓cheesecake-芝士味夠濃,唔係xx家果d 海棉狀,又唔係好硬好種,鬆軟度剛好,我仲打包左一件回家嘆最不得了係佢D COFFEE都好得,飲下野傾下計係近來最好hea的地點,有樣野抵讚係店員服務一流, 很掂!