程班長台灣美食 (已結業)

一直以來已經聽過好多人介紹程班長呢一間台灣美食，但係地區並唔係我活躍嘅範圍所以一直都未有機會去試。今次咁岩去開荔枝角，所以就一定要去試一試。呢間餐廳係喺工廠大廈入面嘅，所以佢嘅外觀裝修唔係好突出，只係有個只是牌話俾你聽間鋪頭係邊。入到去裏面佢嘅裝修都非常之樸素，好似台灣本地嘅小店咁樣。佢嘅菜式琳琅滿目，我哋揀咗好耐先揀到以下呢幾樣。。。仙草芋圓冰（$30）：佢嘅仙草芋圓冰真係好好食，仙草有淡淡的清甜，芋圓好煙韌，而且佢底嘅糖水味道啱啱好唔太淡亦唔太甜肉燥飯（＄28）我哋都叫咗佢必食嘅肉燥飯，佢既價錢同出面既台灣餐廳都係差不多，但係份量就多好多。而且一啲都唔乾，撈埋啲汁真係超級好食玉米起司蛋捲餅（$36）：至於嘅蛋餅係我個人最推薦嘅食物，佢外邊嗰層皮非常之酥脆亦都唔厚，配埋入邊熱辣辣嘅玉米芝士配料，成件事係完美昇華咗，亦係我食過最好食既蛋餅蚵仔煎（$36）：最後我哋叫多咗個蚵仔煎，佢既外皮都幾脆口，而且個汁都好滋味，但蚵仔嘅份量唔算太多