影片
更多
2024-08-10
452 瀏覽
Fish skin in salted egg yolk sauce去新加坡絕對不能錯過佢哋嘅名物鹹蛋魚皮，平時係超市一包特價都唔平，見呢度用相等嘅價錢就可以食到更加好味嘅新鮮版本就決定放開一試。魚皮即炸脆卜卜，仲脆過啲薯片，再裹上闊綽嘅鹹蛋，雖然係好邪惡，但係如果相比超市買到預先包裝嘅新加坡名物，新鮮即製嘅黃金魚皮係另一層次嘅好味道，絕對值得放過一次自己試吓😋Coffee pork ribs咖啡骨係星馬嘅招牌菜式，喺香港比較少地方有得食，但類似於中國嘅糖醋排骨，選用嘅都係一字排，外脆內嫩。如果話中式嘅糖醋排骨係甜甜酸酸嘅話，咖啡骨就係苦苦甜甜，兩者配搭好特別，絕對可以開拓新味蕾。Tiger prawn laksa bee hoon you mian星馬菜又點少得最地道嘅喇沙，香濃嘅喇沙湯配上兩大隻嘅老虎蝦，仲有新加坡魚蛋，魚片，同埋豆卜同雞蛋等等，配上傳統嘅摻摻，即係米粉同油麵兩者混合，油麵彈口好高質，湯底香味濃郁，地道美味。Drinks另外新加坡當然要飲當地最出名嘅美祿。叫咗一杯Milo explosion，堪稱美祿嘅豪華版，上面鋪滿美祿粉同埋美祿穀物脆脆，一杯飲得又食得，每一啖都
去新加坡絕對不能錯過佢哋嘅名物鹹蛋魚皮，平時係超市一包特價都唔平，見呢度用相等嘅價錢就可以食到更加好味嘅新鮮版本就決定放開一試。魚皮即炸脆卜卜，仲脆過啲薯片，再裹上闊綽嘅鹹蛋，雖然係好邪惡，但係如果相比超市買到預先包裝嘅新加坡名物，新鮮即製嘅黃金魚皮係另一層次嘅好味道，絕對值得放過一次自己試吓😋
Coffee pork ribs
咖啡骨係星馬嘅招牌菜式，喺香港比較少地方有得食，但類似於中國嘅糖醋排骨，選用嘅都係一字排，外脆內嫩。如果話中式嘅糖醋排骨係甜甜酸酸嘅話，咖啡骨就係苦苦甜甜，兩者配搭好特別，絕對可以開拓新味蕾。
Tiger prawn laksa bee hoon you mian
星馬菜又點少得最地道嘅喇沙，香濃嘅喇沙湯配上兩大隻嘅老虎蝦，仲有新加坡魚蛋，魚片，同埋豆卜同雞蛋等等，配上傳統嘅摻摻，即係米粉同油麵兩者混合，油麵彈口好高質，湯底香味濃郁，地道美味。
Drinks
另外新加坡當然要飲當地最出名嘅美祿。叫咗一杯Milo explosion，堪稱美祿嘅豪華版，上面鋪滿美祿粉同埋美祿穀物脆脆，一杯飲得又食得，每一啖都有唔同口感。另外一杯就叫咗美祿雞尾酒Milo martini ，本身都係貪新鮮試吓，點知出奇地好飲，美祿底配上vodka同bailey’s，完美地融合，係意想不到嘅驚喜。
張貼
