影片
更多
2024-07-17
13660 瀏覽
呢排清電話相簿嘅時候，竟然俾我發現漏網之魚！一定要同大家分享呢間鐵板燒！講到全港性價比最高嘅鐵板燒餐廳一定係板神！（銅鑼灣店更有海景睇，慶祝節日一流～）之前試過板神嘅鐵板燒套餐， 富士見・鉄板焼コース($1,380/ person)唔只菜單豐富，每道菜都鮮味無比，食完超飽，餐廳更以特製cocktail配搭菜式，進一步提升味蕾享受～富士見・鉄板焼コース($1,380/ person)❀ 前菜三點 🥢椰菜花奶凍啫喱＋ 炸慈菇片非常香脆＋以番薯忌廉芝士，
三款前菜各有特色，喺出面好少可以食到，係有被驚艷到嘅配搭❀ 季節沙律 🥗除咗蔬菜之外，仲有炸番薯絲同番薯粒， 加上柚子醋醬調味，酸酸甜甜好開胃～❀ 刺身 🐟有帆立貝、油甘魚及吞拿魚， 厚度適中又新鮮❀ 火焰北寄貝 🐚師傅先煎香新鮮嘅北寄貝裙邊再煎貝肉配上海苔汁，火焰嘅效果令北寄貝有香烤嘅味道之餘，又可以保持貝肉嫩滑彈牙，鮮甜又爽脆❀ 龍蝦配SALTY · 7 🦞淨係見到精美嘅擺盤已經心心眼💕 再配上同為紫色嘅cocktail🍸 未食已經心動紫色嘅cocktail原來係由蝶豆花泡沫而成，基調係以gin tonic調配，加上鹹柑桔果汁酸甜味道可
講到全港性價比最高嘅鐵板燒餐廳一定係板神！（銅鑼灣店更有海景睇，慶祝節日一流～）
之前試過板神嘅鐵板燒套餐， 富士見・鉄板焼コース($1,380/ person)
唔只菜單豐富，每道菜都鮮味無比，食完超飽，
餐廳更以特製cocktail配搭菜式，進一步提升味蕾享受～
富士見・鉄板焼コース
($1,380/ person)
❀ 前菜三點 🥢
椰菜花奶凍啫喱＋ 炸慈菇片非常香脆＋以番薯忌廉芝士， 三款前菜各有特色，喺出面好少可以食到，係有被驚艷到嘅配搭
❀ 季節沙律 🥗
除咗蔬菜之外，仲有炸番薯絲同番薯粒， 加上柚子醋醬調味，酸酸甜甜好開胃～
❀ 刺身 🐟
有帆立貝、油甘魚及吞拿魚， 厚度適中又新鮮
❀ 火焰北寄貝 🐚
師傅先煎香新鮮嘅北寄貝裙邊再煎貝肉配上海苔汁，火焰嘅效果令北寄貝有香烤嘅味道之餘，又可以保持貝肉嫩滑彈牙，鮮甜又爽脆
❀ 龍蝦配SALTY · 7 🦞
淨係見到精美嘅擺盤已經心心眼💕 再配上同為紫色嘅cocktail🍸
未食已經心動
紫色嘅cocktail原來係由蝶豆花泡沫而成，基調係以gin tonic調配，加上鹹柑桔果汁酸甜味道可以解龍蝦嘅膩、 一定要讚調酒師嘅心思
而龍蝦入口彈牙，可見食材十分新鮮，配上以龍蝦膏製成醬汁調味，濃郁惹味～
去到呢度已經好飽，但係呢個套餐只係食咗一半咋～
❀ 季節煮物 🥢
由珍珠洋蔥及溫室青椒而成， 本來我就唔鍾意食洋蔥，但係估唔到呢個珍珠洋蔥冇洋蔥嘅辣味，而係有一陣根莖類嘅甜味，有少少似食緊薯仔加白蘿蔔咁樣， 味道好得意。 上面一絲絲嗰啲係牛蒡絲～
❀ 和牛清湯 🥣
湯底用上鰹魚清湯及茉莉花茶製成～
估唔到魚湯加茶嘅味道係咁夾， 湯入邊嘅和牛係輕輕過水再煎香，再配本菇同蔥花，飲落一啲都唔油膩
❀ 美國牛肉厚燒 🐮
肉方面可以揀 日本豚肉厚燒/美國牛肉厚燒/澳洲和牛燒/日本和牛厚燒，
我就揀咗美國牛肉厚燒，貪佢肉味夠香濃，又唔會太過肥膩
生熟度都可以自己揀，牛肉雖然冇咁多脂肪，但師傅燒到肉質嫩滑又多汁
❀ 漬物｜湯｜炒飯 🍚
和牛炒飯 粒粒分明十分爽口✨
麵豉湯以龍蝦頭熬煮而成，龍蝦所有部份都用盡，完全感受到廚師嘅用心
❀ 甜品 🍨
如果係會員嘅話，會送上特製甜品焦糖多士配雲呢拿雪糕
師傅首先會用糖及橙酒輕輕煮一下士多啤梨，加埋草莓雪芭同焦糖多士， 簡直為今餐鐵板燒畫上完美嘅句號~
總括而言，成個餐係一頓豐富嘅 鐵板燒海鮮盛宴，用料新鮮，製作用心，以呢個價錢又有海景又有呢個食物質素同埋師傅嘅表演，簡直係抵
📍 板神鉄板燒日本料理
@godofteppanyaki
銅鑼灣告士打道255-257號信和廣場1樓103號舖
張貼
