影片
更多
2021-01-07
958 瀏覽
車仔麵有好多唔同種類、唔同湯底、唔同配料、唔同煮法，所以每一家餐廳既味道都有唔同，其實每一個人既口味都唔同，可能你覺得好食既車仔麵人地覺得好食，但我覺得好食既車仔麵就係要迎合到更多人既口味，而今次推介既呢間車仔麵係我覺得香港黎講最好食，身邊既朋友都係咁覺得。麵尊係以車仔麵同辣醬聞名，係上環起家，已經有九年歷史，因為上環晚上人流小，所以唔做晚市，特別係銅鑼灣開多一間分店。湯底係熬製最少五個鐘既豬骨湯，除左五香腩汁之外，湯底仲可以加秘製麻辣醬或者咖哩汁。-環境🪑裝修比較新式，唔係殘舊既車仔麵店，店鋪既燈光都好光猛同乾淨，特色係有一面牆好似以前D冰室咁，會掛哂D牌睇到有咩配料。位有窗口BAR枱位6個，再加上20幾個2/4人位。-Menu 📋Menu總共有30種配料，店員推介蘿蔔、冬菇、豬紅、豬大腸、牛腩，因為呢D餸唔會過夜所以比較新鮮，麵底方面有8款，湯底方面有4款，有咖哩辣、麻辣、腩汁、蔥，係可以混合選擇。-🍜⃣ 車仔麵💰60（👅: 9/10）今次叫既係牛柏葉、貢丸、豬皮、紫菜、冬菇，油麵，腩汁加秘製麻辣醬同蔥。可以睇到每款配料既份量都好多，唔馬虎。豬皮唔算好入味，但係口感好爽唔會好韌。咖喱
車仔麵有好多唔同種類、唔同湯底、唔同配料、唔同煮法，所以每一家餐廳既味道都有唔同，其實每一個人既口味都唔同，可能你覺得好食既車仔麵人地覺得好食，但我覺得好食既車仔麵就係要迎合到更多人既口味，而今次推介既呢間車仔麵係我覺得香港黎講最好食，身邊既朋友都係咁覺得。
麵尊係以車仔麵同辣醬聞名，係上環起家，已經有九年歷史，因為上環晚上人流小，所以唔做晚市，特別係銅鑼灣開多一間分店。
湯底係熬製最少五個鐘既豬骨湯，除左五香腩汁之外，湯底仲可以加秘製麻辣醬或者咖哩汁。
-
環境🪑
裝修比較新式，唔係殘舊既車仔麵店，店鋪既燈光都好光猛同乾淨，特色係有一面牆好似以前D冰室咁，會掛哂D牌睇到有咩配料。位有窗口BAR枱位6個，再加上20幾個2/4人位。
-
Menu 📋
Menu總共有30種配料，店員推介蘿蔔、冬菇、豬紅、豬大腸、牛腩，因為呢D餸唔會過夜所以比較新鮮，麵底方面有8款，湯底方面有4款，有咖哩辣、麻辣、腩汁、蔥，係可以混合選擇。
-
🍜⃣ 車仔麵💰60（👅: 9/10）
今次叫既係牛柏葉、貢丸、豬皮、紫菜、冬菇，油麵，腩汁加秘製麻辣醬同蔥。
車仔麵
$60
27 瀏覽
2 讚好
0 留言
可以睇到每款配料既份量都好多，唔馬虎。
豬皮唔算好入味，但係口感好爽唔會好韌。
咖喱牛柏葉幾彈牙爽口，煮得夠軟腍，不會過硬，大細適中，容易咬開，唔係嗆喉既咖哩粉口感，會有D似係街邊食既小食咁，有香港既味道。
貢丸夠爽口易咬，大細都適中，濃汁夠味有香菇味。
紫菜
$10
11 瀏覽
2 讚好
0 留言
紫菜好爽脆，份量多，一擺落去湯既麻汁同豬骨味都索哂入去。
蠔油冬菇，細粒但肉質厚身，咬落好JUICY。
車仔麵
$60
27 瀏覽
2 讚好
0 留言
油麵偏硬唔係淋個隻，個人鍾意硬D，太淋會無口感唔似食緊油麵。
秘製麻辣醬或者咖哩汁都係用左百年老店炮製既香料製成，我覺得麻辣醬係超好食，因為無食過其他車仔麵會有咁既麻辣醬，唔係得個死辣，又唔係好油既辣，係真係同時有麻有辣既麻辣醬，如果食到辣既絕對推介要加，因為佢個辣度係無得揀。
-
🌟係香港食過好多間車仔麵，好多都各有特色，有D係有好特式既湯底例如蕃茄喇沙湯，有D係會有特別既新式配料例如牛舌芯，而呢間我覺得佢最出色係佢既湯同辣醬，睇到平凡但食落有驚喜，而配料唔係新式但質數同份量都係令人滿意，尤其係紫菜，有質感再將湯既精華索哂入去。鍾意車仔麵既係值得山長水遠一試，係香港人既車仔麵。另外呢個秘製麻辣醬或者咖哩汁都可以買走，暫時仲未搵到其他麻辣醬可以取代到佢。
-
👅味道: 9/10
🍴環境: 7/10
💰消費: 60 (服務費: NA)
❗️每人最低消費$38
張貼
