影片
更多
2020-04-04
102 瀏覽
香港雖然唔少地方有酸菜魚食，但係真係好好食嘅又真係唔係太數得出，如果唔係近年香港人就唔會咁鍾意返大陸食酸菜魚啦。但受疲情影響，相信未來一段時間都返唔到大陸，想食嘅朋友不妨試下呢間「廚十三老壇酸菜魚」，佢嘅酸菜魚做得幾好，幾impressive，係香港有四間店，分別位於尖沙咀、銅鑼灣、油麻地及荔枝角，梗有一間係左近。銅鑼灣店都幾新淨，環境唔錯，座位寬闊幾舒適。而且受政府新頒布實行嘅餐廳人流管控措施所影響，食客都需要隔檯坐，所以不同食客都相隔幾遠下。另外，餐廳入口擺放左消毒搓手液，而洗水間亦有放李斯德林嗽口水，衛生方面都算比一般餐廳好。上上簽 ($88): 內有一串串的青荀片、鵪鶉蛋、椰菜花、藕片等等，湯汁屬小辣級別，都幾惹味，經浸泡嘅食物都幾入味，特別青荀片清甜爽嫩又帶點辣都幾好食。招牌老壇酸菜魚 ($338/小份, $478/中份, 土豪份/598): 分別供約2人、3人及4人享用，而呢窩係中份，份量都幾多，非常大堆頭，仲可按自己喜好，自選其他配料，例如午餐肉、金菇、豆腐、土豆片、米線、寬粉、青荀片等等，每款加$28元，一般都會加一兩款配料以及米線/ 寬粉等。首先，由於與水煮魚嘅辣油唔
銅鑼灣店都幾新淨，環境唔錯，座位寬闊幾舒適。而且受政府新頒布實行嘅餐廳人流管控措施所影響，食客都需要隔檯坐，所以不同食客都相隔幾遠下。另外，餐廳入口擺放左消毒搓手液，而洗水間亦有放李斯德林嗽口水，衛生方面都算比一般餐廳好。
上上簽 ($88): 內有一串串的青荀片、鵪鶉蛋、椰菜花、藕片等等，湯汁屬小辣級別，都幾惹味，經浸泡嘅食物都幾入味，特別青荀片清甜爽嫩又帶點辣都幾好食。
招牌老壇酸菜魚 ($338/小份, $478/中份, 土豪份/598): 分別供約2人、3人及4人享用，而呢窩係中份，份量都幾多，非常大堆頭，仲可按自己喜好，自選其他配料，例如午餐肉、金菇、豆腐、土豆片、米線、寬粉、青荀片等等，每款加$28元，一般都會加一兩款配料以及米線/ 寬粉等。
首先，由於與水煮魚嘅辣油唔同，小辣的話會類似水煮魚嘅BB辣，中辣應該會相等於水煮魚嘅小辣。採用100%活魚，魚肉鮮甜，魚味真係幾出，令我地覺得店方用料並唔馬虎。每塊魚肉嘅質感都係非常非常的嫩滑可口，非常有驚喜，仲要好肥美厚肉，啖啖肉，仲要係無骨 (只有一兩件有非常幼細嘅魚骨)。酸菜湯底都唔錯，所以建議點埋其他配料唔好浪費，尤其米線或寬粉呢D吸到汁又飽肚嘅主食。
紅糖冰粉 ($28): 一大片透明加上紅糖水，冰涼香甜，嫩滑爽口，感覺清涼降火，最重要係可以幫助解辣，所以可以邊食辣嘅酸菜魚，邊食冰粉，食落又無咁膩。
芒果風味梳打特飲 ($30): 芒果糖漿加梳打汽水嘅一款特飲，味道同芒果果汁相類似，當然係偏甜啦，而且有梳打氣泡飲落都幾爽。雖然少飲甜野，但通常食辣都會叫杯凍野飲下，又可以解辣，飲落都無咁有罪惡感。
張貼
