影片
更多
2020-06-21
2407 瀏覽
🐻疫情關係，熊妹就宅係屋企做韓妹煲韓劇。女主上身，好想處身韓國🇰🇷同OPPA食韓燒，飲下酒🍻暢談。📌為左滿足熊妹做女主的願望，樹熊答應陪熊妹去食韓燒，地點由熊妹發板🧱。韓國🇰🇷著名購物地方「東大門」相信去過首爾的人都一定去過，咁一於試下呢間《東大門》香港韓燒放題店。📌疫情關係，都唔係好爆滿，一格格卡位有著膠片間格，迎合政府食肆枱與枱之間的限制令。📌事不宜遲，飢腸轆轆的樹熊熊妹快啲夾手夾腳燒嘢食喇。豬、牛、雞、羊肉咩都有齊，仲有醃好的雞翼、魷魚、五花腩肉、肥牛、牛舌同紅腸腸仔等等，其中熊妹認為牛仔骨、雞肉同牛舌最好味，要幾多食幾多，自己慢慢燒真係幾好玩，雖然係樹熊燒俾熊妹食多。燒得悶悶地，可以試下其他熟食。放題店一般都有埋熟食提供，有一堆炸物、時蔬、韓式粉絲等。生果、甜品、壽司同韓國各式前菜，唔少得的泡菜、酸青瓜都一定有，仲有迎合返香港人口味的豬腳薑同咖哩魚蛋，韓燒得黎有帶有港式風味。湯品類有韓國人參雞湯、泰式冬陰公湯、中式蘿卜湯同一款紅豆沙甜品。嘩，係熊妹最喜愛的韓國前菜呀，泡菜、酸青瓜、醃蘿蔔同酸辣鳳爪，熊妹真係忍唔住四碟都清哂喇，大🈵足。其實熊妹食韓燒，最鐘意就係整生菜包，新鮮的生
📌為左滿足熊妹做女主的願望，樹熊答應陪熊妹去食韓燒，地點由熊妹發板🧱。韓國🇰🇷著名購物地方「東大門」相信去過首爾的人都一定去過，咁一於試下呢間《東大門》香港韓燒放題店。
📌疫情關係，都唔係好爆滿，一格格卡位有著膠片間格，迎合政府食肆枱與枱之間的限制令。
📌事不宜遲，飢腸轆轆的樹熊熊妹快啲夾手夾腳燒嘢食喇。
豬、牛、雞、羊肉咩都有齊，仲有醃好的雞翼、魷魚、五花腩肉、肥牛、牛舌同紅腸腸仔等等，其中熊妹認為牛仔骨、雞肉同牛舌最好味，要幾多食幾多，自己慢慢燒真係幾好玩，雖然係樹熊燒俾熊妹食多。
燒得悶悶地，可以試下其他熟食。放題店一般都有埋熟食提供，有一堆炸物、時蔬、韓式粉絲等。
生果、甜品、壽司同韓國各式前菜，唔少得的泡菜、酸青瓜都一定有，
仲有迎合返香港人口味的豬腳薑同咖哩魚蛋，韓燒得黎有帶有港式風味。
湯品類有韓國人參雞湯、泰式冬陰公湯、中式蘿卜湯同一款紅豆沙甜品。
嘩，係熊妹最喜愛的韓國前菜呀，泡菜、酸青瓜、醃蘿蔔同酸辣鳳爪，熊妹真係忍唔住四碟都清哂喇，大🈵足。
其實熊妹食韓燒，最鐘意就係整生菜包，新鮮的生菜托底，放上配菜泡菜，燒好的肉片，上下左右包好後放入口，辣辣的泡菜配合烤熱的醃肉再以新鮮的菜中和油膩，多種口感同味道，真係非常好味的料理！究竟以前韓國人係如何發明如此美食？
如果嫌味道唔夠，仲有醬料區提供辣椒、豉油、生蔥、蒜蓉、蒜片、辣粉等等調味，不過熊妹無咩點試呢啲調味品，因為覺得本身醃肉已經好夠味，再額外加醬料就蓋過本身原汁原味了。
📌韓燒兩小時，慢慢燒慢慢食，再同OPPA傾傾心事，聊聊生活無聊事，其實就算去唔到韓國，在香港也能自編自導自演韓劇浪漫畫面。💕
張貼
