影片
更多
2024-12-09
166 瀏覽
今晚我哋喺天后一間餐廳打邊爐，環境好特別好懷舊好有90年代feel，連俾客人擺袋都係用竹籮超有feel🤩坐低冇耐就會有一大盤醬汁俾客人自己調製，其中蔥頭油、沙嗲醬係餐廳自家製架！係老母必試推介🤗莫生氣椰椰雞湯🐓🥥湯底用咗新鮮椰子、椰青水同埋雞煲出嚟，味道清甜又香濃，飲落去好舒服，完全冇油膩感，打邊爐前飲返碗湯潤一潤先😌牛魔王拼盤🐂拼盤上面有唔同部位嘅牛肉：本地手切肥牛、安格斯牛頸脊、牛脷托、手切封門柳同鮮牛肉粒，每款都有六片架😍食落去每一款都有唔同嘅口感，特別係封門柳，肉質軟嫩得黎有咬口而且牛味仲好濃郁🤤簡直係肉食者嘅天堂🤩日本扇貝&海中蝦🦐佢哋嘅扇貝新鮮到不得了，肉質鮮甜，簡單一煮就已經好好味。而且每隻扇貝都雞乸咁大隻，食落去彈牙又鮮，正到爆🤤海中蝦都一樣新鮮彈牙又唔梅，剝完蝦殼掉埋個蝦頭落去湯底繼續煲，成煲湯更加鮮🤩鮮墨魚滑🦑呢個墨魚滑真係一流，口感滑溜彈牙，墨魚味仲好出好鮮，完全唔需要加多餘嘅調味，就算淨係用湯底煮已經夠晒味😋山水豆腐質地滑嫩，吸收咗湯底嘅味道後，食落去真係好正仲好香豆味，而且份量唔少夠晒大碟🤗白菜仔🥬蘿蔔片白菜仔清脆爽口，蘿蔔片煮過之後更加甜，兩者都係打邊爐嘅最
今晚我哋喺天后一間餐廳打邊爐，環境好特別好懷舊好有90年代feel，連俾客人擺袋都係用竹籮超有feel🤩
坐低冇耐就會有一大盤醬汁俾客人自己調製，其中蔥頭油、沙嗲醬係餐廳自家製架！係老母必試推介🤗
莫生氣椰椰雞湯🐓🥥
湯底用咗新鮮椰子、椰青水同埋雞煲出嚟，味道清甜又香濃，飲落去好舒服，完全冇油膩感，打邊爐前飲返碗湯潤一潤先😌
牛魔王拼盤🐂
拼盤上面有唔同部位嘅牛肉：本地手切肥牛、安格斯牛頸脊、牛脷托、手切封門柳同鮮牛肉粒，每款都有六片架😍食落去每一款都有唔同嘅口感，特別係封門柳，肉質軟嫩得黎有咬口而且牛味仲好濃郁🤤簡直係肉食者嘅天堂🤩
日本扇貝&海中蝦🦐
佢哋嘅扇貝新鮮到不得了，肉質鮮甜，簡單一煮就已經好好味。而且每隻扇貝都雞乸咁大隻，食落去彈牙又鮮，正到爆🤤
海中蝦都一樣新鮮彈牙又唔梅，剝完蝦殼掉埋個蝦頭落去湯底繼續煲，成煲湯更加鮮🤩
鮮墨魚滑🦑
呢個墨魚滑真係一流，口感滑溜彈牙，墨魚味仲好出好鮮，完全唔需要加多餘嘅調味，就算淨係用湯底煮已經夠晒味😋
山水豆腐
質地滑嫩，吸收咗湯底嘅味道後，食落去真係好正仲好香豆味，而且份量唔少夠晒大碟🤗
白菜仔🥬蘿蔔片
白菜仔清脆爽口，蘿蔔片煮過之後更加甜，兩者都係打邊爐嘅最佳伴侶，食咁多肉梗係要食多啲菜，咁先均衡飲食架嘛😌
餐廳而家仲做緊優惠，follow餐廳IG就可以用優惠價$1叫一枝啤酒🤩指定兩款啤酒，每枱最多仲可以叫十枝tim🤭岩晒成朋友飲酒食飯吹水🤗
🤑 人均消費：～$630
🤩 推薦指數：8.5 / 10
📍 餐廳資料：叁不館 (天后)
天后電氣道68號樹林銀座7樓
☆.。.:*・°☆.。.:*・°☆.。.:*・°☆.。.:*
張貼
