超級無敵車仔麵

營業中

休息中

曾經住係港島區既我，搬到西貢區後難以搵到車仔麵小店，所以有一次經過港島，必定會光顧懷緬一番。本人最喜歡西灣河至筲箕灣一帶，因為有好多有心經營的地道小店，唔係其他地方都搵得到。車仔面源於過去手推車經營，麵質可以選擇有油麵，粗麵，幼麵等等，亦有唔同湯底 （腩汁，沙嗲，麻辣) , 每次既選擇都可以有完全唔一樣既風味。超級無敵車仔麵，住係東區一定會知道，難得有一間仲做到平民價錢，$34 有三餸麵。今次叫左牛腩，芝士腸，蘿蔔 搭粗面，腩汁。蘿蔔非常清甜入味，而且好大舊。牛腩炆得好淋，都算入味。要讚一讚係芝士腸份量真係好多！ 係脆皮，同有芝心。粗麵亦都好高質，係即叫即淥，有番麵質口感。$34 有咁大兜在食到飽，而家真係比較難搵。要留意係西灣河分店只供立食，筲箕灣分店都係得一張摺枱加側面BAR 枱，地方唔大。