臨記車仔麵 (已結業)

有時諗唔到食乜，就會去食車仔麵。我數過，呢間臨記車仔麵淨係車仔餸都有38款咁多，價錢由$6至$13。湯底就有4款，傳統、咖喱、鮮茄、麻辣湯。諗唔到食乜的話，仲有五款精選配搭。個人比較鍾意以下呢幾個餸：咖喱魷魚（$13） - 夠惹味，又爽口。自製鮮竹卷 （$10） - 多餡外皮又夠脆，又可以放落湯底索下味，唔錯。秘製豬軟骨（$8） - 好入味，又有豐富骨膠原，軟骨一咬即化，好食。溏心蛋（$10） - 夠流心！辣醬係免費的，一定要加，令餸菜更惹味！孜然燒雞翼（$19/3隻）- 焗得香噴噴，好香好入味。