前家樂餐廳火鍋店 (已結業)

上次食完前家樂既醉雞煲，都有去過唔同地方食雞煲，一路都有個疑惑，佢既麻辣雞煲究竟係咩味🤔難得今次有馬來西亞朋友黎左香港探我，佢會成日見到香港朋友既fb/ig，3日5日就會去食一次雞煲，佢話今次黎香港都想試下！咁我就約多幾個朋友，一行8人一齊去食前家樂喇！點解？其實係自己私心，想食上次既醉雞，同埋又想食麻辣雞😝咁咪叫多d朋友去！一齊過叫2個煲！食雞最緊要有雞味，麻辣煲最緊要夠辣！來一客中辣！羊牛豬，芝士腸，午餐肉，墨魚丸，三色餃，冰豆腐，金菇咩都要！雞煲最緊要咩都有，成班人一齊食就好開心～馬來西亞朋友食完讚不絕口👍🏻話香港既雞煲真係好好食，同行既朋友都話呢到既雞煲好食過大集團既，佢地話入味好多，同埋真係食到黃油雞，唔係冰鮮既，當然，我都係食完一次覺得好食再叫埋佢地啦！獨樂樂不如眾樂樂嘛！