自家製韓國刀削麵 (山林道)

營業中

休息中

山西刀削麵食得多，韓國刀削麵真係未試過。早排老婆話想食韓國好西，即刻上網search見到呢間全港第一家自家製韓國刀削麵，我諗應該適合鍾意試新嘢嘅佢。雖然地理位置唔算方便，但食完真係覺得嚟得好值得。 首先，server態度好好，全程超好笑容，又會介紹有咩好食啱食。中間有客人話想去洗手間，高佬哥哥即刻拎紙巾俾佢，好impressed。 跟住講吓食物- ✦ 花蛤刀削麵 HKD78 ✦ 花蛤足料而有鮮味，完全冇沙。刀削麵煙韌彈牙。湯底鮮甜。份量係非常大碗，作為男人都食唔晒。 ✦ 豆汁冷麵 HKD78 ✦ 豆汁濃厚。就咁飲甜甜哋、有豆渣、好飽滿。加少少鹽掛埋落個麵度，口味特別，咸甜交融幾合襯。 ✦ 雙拼餃子 HKD58 ✦ 超 級 巨 型，餃子拳頭咁大隻，皮薄、餡又靚又多。雙拼有大泡菜餃子同大豬肉餃子兩種。泡菜款辣辣哋好惹味，而豬肉款就行鮮味、爆肉汁路線。