影片
更多
2021-12-10
485 瀏覽
想吃很久的純素餐廳 ROOT VEGAN 本原，這天搭船去南丫島前終於有時間，揀了最想試的濃湯豆腐擔擔麵，好食到湯都飲埋！這間純素餐廳環境舒服開揚，餐點份量夠又有水準，一定要再去食先得！餐廳位於威靈頓街一棟商廈的一樓，上半山電梯個街口上少少就到，我就唔小心行上多一條街兜左個圈。入面原來都幾大間，全部都係四人檯排開，少少工業風的色調，設計簡單舒服。整個空間充滿日光，好精神的感覺。露台有少少半戶外座位，可以帶寵物來用餐，現在的天氣坐外面也很涼快舒適。餐廳有寄賣一些本地品牌健康食品，例如這個純素湯包料。貝果麵包櫃塞得滿滿，吃飯的時候都見到好多人特地上來買麵包。午市有 A 至 I 九款餐，上面四個配兩款自選前菜，加飲品就照價減十蚊。中環來說這個價錢幾合理，而且我覺得份量十足非常夠飽。夜晚會有另一個菜單。飲品有咖啡有茶，我叫老闆介紹佢話朱古力好飲咁我就揀左熱朱古力。午市都係自助模式，水自己斟，食完要自己收碟。濃湯豆腐擔擔麵配紅油抄手 HK$108 / 純素朱古力 HK$48成個餐牌我覺得擔擔麵最吸引，使用扁身的麵條掛汁掛得非常好，個湯底夠辣又夠花生醬，每啖有好濃厚，有想飲埋個湯的衝動！豆腐之外亦
想吃很久的純素餐廳 ROOT VEGAN 本原，這天搭船去南丫島前終於有時間，揀了最想試的濃湯豆腐擔擔麵，好食到湯都飲埋！這間純素餐廳環境舒服開揚，餐點份量夠又有水準，一定要再去食先得！
餐廳位於威靈頓街一棟商廈的一樓，上半山電梯個街口上少少就到，我就唔小心行上多一條街兜左個圈。
入面原來都幾大間，全部都係四人檯排開，少少工業風的色調，設計簡單舒服。
整個空間充滿日光，好精神的感覺。
露台有少少半戶外座位，可以帶寵物來用餐，現在的天氣坐外面也很涼快舒適。
餐廳有寄賣一些本地品牌健康食品，例如這個純素湯包料。
貝果麵包櫃塞得滿滿，吃飯的時候都見到好多人特地上來買麵包。
午市有 A 至 I 九款餐，上面四個配兩款自選前菜，加飲品就照價減十蚊。中環來說這個價錢幾合理，而且我覺得份量十足非常夠飽。夜晚會有另一個菜單。
飲品有咖啡有茶，我叫老闆介紹佢話朱古力好飲咁我就揀左熱朱古力。
午市都係自助模式，水自己斟，食完要自己收碟。
濃湯豆腐擔擔麵配紅油抄手 HK$108 / 純素朱古力 HK$48
成個餐牌我覺得擔擔麵最吸引，使用扁身的麵條掛汁掛得非常好，個湯底夠辣又夠花生醬，每啖有好濃厚，有想飲埋個湯的衝動！豆腐之外亦有菇和肉碎，吃起來非常豐富，加埋紅油抄手、菠菜和木耳，樣樣好食好滿足。
這個純素朱古力亦係叫左唔會後悔，飲起來很香濃，甜度亦剛剛好，冬天療癒人生必備。
唔怪得咁多素食者推薦，餐點味道真係無令人失望，下次再食邊個好呢？
張貼
