影片
更多
2021-03-26
1844 瀏覽
終於都去開新蒲崗，可以順路試試這間日本山梨縣來的素食餐廳，佢地主打三款特色主食，自選套餐有好多野揀好開心，餐點賣相與味道兼備，富士山飯都唔係淨係用來影相打卡咁簡單架！素食餐廳位於新蒲崗 Mikiki 商場 LG 樓層，落一層扶手電梯會見到一堆食店，從左邊(一田超市出口果邊)進去第二個鋪位就到。估唔到環境佈置咁花心思，天花版有假天空，仲成間鋪都佈滿櫻花，食素仲可以順便影打卡相喎。餐牌第一次睇好似好複雜，其實佢主要係三款主食：山梨縣特產「餺飥麵」、富士山蝶豆花飯和日本四合味噌素餃子鍋，通常都揀套餐因為附埋前菜、湯、飲品和甜品比較抵食。其實我覺得兩款鍋物都好吸引，不過第一次來又想試下可以影相打卡的富士山飯喎。店內採用電子點餐，掃 QR Code 之後用手機揀，諗好主食之後直接入去揀比較方便，A 至 H 逐格 click 入去揀，有選擇困難症真係唔得掂。順帶一題，餐牌上有好清楚列明素別，蛋奶和蔥蒜會特別標示，亦可鍵入特殊要求等。因為最近蠻多地方有富士山飯，起初我都不以為意，後來發現山梨花野真係來自山梨縣，小店本來就在富士山對面，成件事立刻 make sense 晒！前面這個素食御木盒的概念就係
終於都去開新蒲崗，可以順路試試這間日本山梨縣來的素食餐廳，佢地主打三款特色主食，自選套餐有好多野揀好開心，餐點賣相與味道兼備，富士山飯都唔係淨係用來影相打卡咁簡單架！
素食餐廳位於新蒲崗 Mikiki 商場 LG 樓層，落一層扶手電梯會見到一堆食店，從左邊(一田超市出口果邊)進去第二個鋪位就到。
估唔到環境佈置咁花心思，天花版有假天空，仲成間鋪都佈滿櫻花，食素仲可以順便影打卡相喎。
餐牌第一次睇好似好複雜，其實佢主要係三款主食：山梨縣特產「餺飥麵」、富士山蝶豆花飯和日本四合味噌素餃子鍋，通常都揀套餐因為附埋前菜、湯、飲品和甜品比較抵食。
其實我覺得兩款鍋物都好吸引，不過第一次來又想試下可以影相打卡的富士山飯喎。
店內採用電子點餐，掃 QR Code 之後用手機揀，諗好主食之後直接入去揀比較方便，A 至 H 逐格 click 入去揀，有選擇困難症真係唔得掂。
順帶一題，餐牌上有好清楚列明素別，蛋奶和蔥蒜會特別標示，亦可鍵入特殊要求等。
因為最近蠻多地方有富士山飯，起初我都不以為意，後來發現山梨花野真係來自山梨縣，小店本來就在富士山對面，成件事立刻 make sense 晒！前面這個素食御木盒的概念就係我想去好耐的山梨縣河口湖富士山風景，有山有水，唔係純粹崇日整個富士山飯俾人打卡咁簡單。
前菜小食茄子天婦羅、日式粟米湯、野菜福袋和篙筍凍豆腐，四個內容都可以自己揀，真係不亦樂乎！每款份量唔多，好處係一次過可以食到好多款式，同時亦能撮取不同營養。
主食有椰菜花漢堡、野菜炒雞柳和吉列OmniPork豬扒，頭尾兩款都係炸炸香口熱氣野。汁麻咖喱、冬陰功或西蘭花菠菜三款，基本上你日日過來食，都可以搭到唔同口味。
椰菜花扒內容物，除了椰菜花之外還有多種蔬菜和藜麥。咖喱汁質地濃稠，可以吃到用多種蔬果煮到溶晒，口味唔會辣係日式風味。富士山飯唔會有蝶豆花味，飯質有彈性，份量都幾多(下次可以揀少飯)。
海鹽焦糖冬甩雪糕
試試看招牌甜品，來自日本的冬甩麻薯小球壘成小塔，中間用紅芋忌廉固定，旁邊是自家製海鹽焦糖醬，個醬有甜有鹹有焦味層次豐富，我會建議同時將四樣野一齊擺入口。
山梨花野原來唔係打卡餐廳咁簡單，食物都真係有水準，下次要再試埋果兩款鍋物先！
張貼
