影片
更多
2021-10-08
884 瀏覽
講起素食打邊爐，我即刻諗起榮獲多年米芝蓮推介和多個飲食大獎的名人食堂「美味廚」，心動不如行動就即刻約朋友去滾。今年推出幾款東南亞風味的素丸和素餃，兩個素湯底都勁好味呢！灣仔美味廚餐廳佔據全層，設有圓檯大廳、獨立房和我地坐的卡位。坐卡位打邊爐好舒服，仲有電視睇添，屋企有電視兒童要睇電視先食到飯亦無問題。特色素火鍋湯底有兩款，叫這兩個最安心。如果你想食麻辣的話，亦可以要求餐廳轉用清水底，店員話換到都可以換，米芝蓮推介餐廳服務確係好。左邊是日式麵豉豆腐魔芋湯，口味比較濃；右邊是甘荀粟米馬蹄西芹湯，喝起來很清甜。我覺得最特別係湯底勁多料，食腐皮、豆腐和粟米都好飽。餐廳今年主題係東南亞菜式，所以餃子丸子都走星馬泰風味，素食亦不例外。(我問左餐廳丸餃有五辛)泰式羅望子素肉絲素雞餃望個名都知道餐廳非常用心，入面有素肉絲又有素雞之餘，仲加左好泰國的羅望子，吃起來酸酸甜甜幾開胃，味道仲好特別添！黃薑秋葵Omnipork素豬肉丸好明顯滿滿黃薑的黃色丸子，中間有秋葵粒吃起來爽口，Omnipork 咬落口感都唔錯。九層塔松子仁 Beyond Meat 素牛肉丸本身吃肉的朋友好鍾意呢個，佢話口感好似肉丸，我都幾
講起素食打邊爐，我即刻諗起榮獲多年米芝蓮推介和多個飲食大獎的名人食堂「美味廚」，心動不如行動就即刻約朋友去滾。今年推出幾款東南亞風味的素丸和素餃，兩個素湯底都勁好味呢！
灣仔美味廚餐廳佔據全層，設有圓檯大廳、獨立房和我地坐的卡位。
坐卡位打邊爐好舒服，仲有電視睇添，屋企有電視兒童要睇電視先食到飯亦無問題。
特色素火鍋湯底有兩款，叫這兩個最安心。如果你想食麻辣的話，亦可以要求餐廳轉用清水底，店員話換到都可以換，米芝蓮推介餐廳服務確係好。
左邊是日式麵豉豆腐魔芋湯，口味比較濃；右邊是甘荀粟米馬蹄西芹湯，喝起來很清甜。我覺得最特別係湯底勁多料，食腐皮、豆腐和粟米都好飽。
餐廳今年主題係東南亞菜式，所以餃子丸子都走星馬泰風味，素食亦不例外。(我問左餐廳丸餃有五辛)
泰式羅望子素肉絲素雞餃
望個名都知道餐廳非常用心，入面有素肉絲又有素雞之餘，仲加左好泰國的羅望子，吃起來酸酸甜甜幾開胃，味道仲好特別添！
黃薑秋葵Omnipork素豬肉丸
好明顯滿滿黃薑的黃色丸子，中間有秋葵粒吃起來爽口，Omnipork 咬落口感都唔錯。
九層塔松子仁 Beyond Meat 素牛肉丸
本身吃肉的朋友好鍾意呢個，佢話口感好似肉丸，我都幾鍾意入面係松子仁有咬，不過 Beyond Meat 味都幾濃。
其他素食類都係蔬菜、豆品和菇菌，想食澱粉質都有好多揀。
豆腐製品拌盤 HK$128
這一盤基本上係將豆品鋪有的產品全部俾晒你，有響鈴、腐竹、豆卜、滑豆腐、冰豆腐、豆干和素雞。
湖南新鮮有機舞茸 HK$98
舞茸間唔中都會在日本超市見到，又原來湖南都有靚舞茸。
福建白玉木耳 HK$98
黑木耳就食得多，不如試下白白耳丫！這個不用煮很久，咬起來沒有黑木耳那麼脆但也很爽口。
雲南新鮮蟲草花 HK$98
平時都係食乾蟲草花多，第一次打邊爐食新鮮蟲草花，雖然倒晒落去唔覺唔覺，不過食左健康左都幾好。
素食打邊爐有丸有餃有菇有豆感覺幾豐盛，唔擔心只吃菜太悶。
吃素的話記得同餐廳講要普通生抽豉油，然後可以自己加喜歡的醬料，除了XO醬和桂南辣椒醬之外，其他都係素食可用，唔清楚的話可以問返店員。
要留意的是素丸子比較難定型，所以上桌的時候係新鮮從冰格取出，建議盡快放落湯煮，店員話未解凍要煮5分鐘。我地煮的時候都用個籃兜住，不過煮左咁多粒都無散，唔好擺大耐先食就OK。
出街食素打邊爐，有個無肉的湯底已經唔錯，呢間竟然有埋素丸素餃，的確好值得一試架！
張貼
