金鳳大餐廳 (金鳳樓)

營業中

休息中

經典扒餐莫過於金鳳餐廳，一落完單，已經即刻有餐包食，餐包熱辣辣，舊牛油一搽落去就即刻溶咗，再加上餐湯，我地叫咗一紅一白，紅湯酸酸辣辣，白湯就好creamy。美國極品牛小排 $185美國德州頂級西冷 $188上碟前，員工叫我地拎起張餐紙巾擋一擋，上碟既時候已經好大煙，塊鐵板熱辣辣，一淋啲黑椒汁上去，鐵板即刻炸炸聲，啲汁已經飛晒出黎。牛小排有兩塊，配上黑椒汁，肉味濃厚，而且啖啖肉，份量非常豐富。西冷扒就肉厚，而且好淋，好軟身，食落口有啖啖牛味。