叁不館

營業中

休息中

想帶長輩們吃火鍋，朋友推介這間位於天后的叁不館，果然冇介紹錯，火鍋店裝修就像重回昔日香港，以大排檔和香港電影為主題，處處都係打卡位。店員親切友善，還向我們介紹最近還有個限時優惠，Follow社交平台，可享$10/10支啤酒，飲唔晒仲可以暫存於店內，非常超值。首先先揀湯底，有不同口味選擇，長輩喜歡滋潤的湯底，於是揀左「咯咯雞花膠湯」，花膠大大片，雞件嫩滑，未打邊爐前先飲番碗花膠湯，好甜好好飲。除了湯底，火鍋配料亦非常出色，西班牙黑毛豬、滑牛肉等好新鲜。自家製四拼餃，可以一次過食晒四款唔同嘅餃，尤其是招牌芫荽餃，好有特色！手打五寶丸，粒粒爽口彈牙。還有這裏的小吃，即叫即整，炸魚片頭好好味！今晚長輩都非常滿意這一餐，下次會再來。