影片
更多
2019-08-10
1476 瀏覽
作為半個西環街坊嘅我，對阿元來了一定唔會陌生，未搬之前直頭係我食堂🙈，但搬咗之後就要坐叮叮去食少咗好多。前排經過西環尾見到有間新開嘅餐廳叫阿元菜市場🥬，再上網搵下，原來係阿元嘅分身食打邊爐嘅🍲。我決定拉埋另一個西環友星期五晚嚟食下，因為食飽啲都有時間消化，唔使咁早訓第朝又返工😪。8點鐘嚟到見到坐滿哂人，但好彩都有張二人枱😙，坐位都算幾闊落，而且冷氣夠哂勁(呢樣對34度嘅天氣嚟講真係好好好重要!!!)。餐廳裝修好正好有心思，有好多台灣夜市檔啲廣告燈箱，又有舊電話☎️同郵筒📮等等，勁啱打卡🙈。大部分坐位都係一人一鍋，見到係啲大枱先有一個大鍋。一坐低店員已經好細心咁介紹有乜食，個組合係點樣(主鍋+湯底+副食+自助菜市場)，並推介招牌石頭鍋♨️，而呢款係無得揀自選湯底，因為set好咗配豬骨湯。之後我再研究🧐一下個餐牌，見到肉類海鮮等都有唔少選擇，湯底就約四至五款，另外仲有其他打邊爐嘅配料，花多眼亂😍。最終兩個鍋底分別叫咗沙朗牛肉石頭火鍋($169)，同埋特選安格斯牛肉配鮮味墨魚湯($179+$10)，另加了一份蛤蜊($49)。無叫到其它食物係因為有得拎住個菜籃🧺去菜市場任拎蔬菜🥬同丸子😁。無幾耐個
8點鐘嚟到見到坐滿哂人，但好彩都有張二人枱😙，坐位都算幾闊落，而且冷氣夠哂勁(呢樣對34度嘅天氣嚟講真係好好好重要!!!)。餐廳裝修好正好有心思，有好多台灣夜市檔啲廣告燈箱，又有舊電話☎️同郵筒📮等等，勁啱打卡🙈。大部分坐位都係一人一鍋，見到係啲大枱先有一個大鍋。
一坐低店員已經好細心咁介紹有乜食，個組合係點樣(主鍋+湯底+副食+自助菜市場)，並推介招牌石頭鍋♨️，而呢款係無得揀自選湯底，因為set好咗配豬骨湯。之後我再研究🧐一下個餐牌，見到肉類海鮮等都有唔少選擇，湯底就約四至五款，另外仲有其他打邊爐嘅配料，花多眼亂😍。最終兩個鍋底分別叫咗沙朗牛肉石頭火鍋($169)，同埋特選安格斯牛肉配鮮味墨魚湯($179+$10)，另加了一份蛤蜊($49)。無叫到其它食物係因為有得拎住個菜籃🧺去菜市場任拎蔬菜🥬同丸子😁。
19 瀏覽
0 讚好
0 留言
19 瀏覽
0 讚好
0 留言
無幾耐個石頭火鍋率先嚟到💁♀️，店員預熱個爐後，會喺我面前用油同洋蔥爆香啲牛肉，到咁上下拎返啲肉出嚟，再倒啲高湯同豬骨湯🦴落個鍋到，店員話如果驚太濃味可以之後叫佢哋加水，重口味嘅我一於試啖先，又覺得OK👌喎，仲好正添🙈，我朋友都有同感。
19 瀏覽
0 讚好
0 留言
另外，我屈個朋友叫咗另一款鮮味墨魚湯🦑試下，其實個湯底應該叫墨汁湯啱啲，因為成個湯都係黑色🖤的，火鍋湯嚟講幾罕見，不過味道就唔突出無咩特別，我成程都係食返我個豬骨湯👻。至於牛肉方面，石頭鍋果份就比較普通，但特選安格斯牛肉就唔同，牛肉味🐂勁正，夠大碟，每人食到好多片，而每片好大、油脂亦好均勻😋。蛤蜊亦都幾唔錯唔算細隻，有十隻到，但建議快啲放落鍋，唔好擺太耐，因為墊底啲冰喺爐邊好快溶。
16 瀏覽
0 讚好
0 留言
跟餐副食叫咗一份冬粉，同一碗魯肉飯(+$10)。冬粉最後先落，因為想索哂啲精華🤤。魯肉飯比較的骰，但味道都同阿元來了本店差不多。👍🏻
講返菜市場🥬🥦🍆🌽🥕，嗰邊同時放埋醬油同各式各樣嘅丸，我基本上每樣丸都試哂🙈，實在太胃食。其中有幾樣真係超正，啪咗勁多位。第一位係九層塔丸☘️，呢個我喺第到無食過，一食落已經勁香，而且仲有啲好似墨魚嘅嘢好爽口😍😍😍。第二位係魚包蛋，尖尖嘅造型，已經估到係包芯，但原來入面係爆漿蟹籽🦀。其他蟹柳、魚卵卷、魚板、蝦味球等等，全部都唔錯。
🥬菜方面，都有好多選擇(包括菇類🍄)，而且有好多菜喺香港都好少見，例如A菜同水蓮，我想講呢兩樣用嚟打邊爐真係好正，好吸湯，而且我勁鐘意佢好爽，食咗好多轉，真正食到飽🤰。另外啲🌽粟米好甜，而且個size食落好方便，又食咗幾嚿。
10 瀏覽
0 讚好
0 留言
我真係勁飽好滿足😌，本身想食埋甜品都食唔落。題外話食到尾段發覺個湯真係有啲咸🙈，因為每次加湯都係加豬骨湯，而且淥完咁多嘢食愈來愈入味，所以食最後一round菜同冬粉前叫店員幫手落啲清水，咁就啱啱好👍🏻。飲品方面，叫咗一杯凍胚芽珍珠奶茶💣($29)，正正常常唔會太甜。另外叫咗分解茶🍵($25)，原來係枝裝的，有黃薑成份I like it，又真係幾消滯。
除咗食物同環境，餐廳嘅服務都好好，每個店員都好好禮貌好細心😇，主動幫我哋收碗碟同加湯，而且熟悉餐牌。無意中仲見到佢地好認真咁清潔🧽爐頭，抵讚。
總括嚟講，阿元無令我失望，食物環境服務衛生都無得彈👍🏻👍🏻👍🏻，真正食到飽的一餐😍。但價格就中等啦，因為平均一個餐再叫飲品連加一都差不多$200，但勝在有自助嘅菜市場，令性價比高返😆。嚟西環又想食好西打邊爐嘅你，絕對唔可以錯過👍🏻。
張貼
