影片
更多
2021-09-10
116 瀏覽
Omakase真係喺香港越開越多，質素都幾參差，今次做足功課希望食到高質嘅壽司，呢間餐廳請到前東京米之蓮一星主廚坐鎮，滿心期待去食呢餐，果然冇令我失望呀!! 我哋order左Lunch Ume Set/$1180，有15件壽司、2款刺身、前菜、甜品、湯同埋玉子燒，壽司刺身好高質，全部都係由日本各地運到香港，食Omakase除咗品嚐食物，坐吧枱睇主廚製作料理都係一件賞心樂事，感受到日本主廚嘅認真同埋一絲不苟，因為主廚講日文嘅關係，餐廳安排咗另一位店員幫手用廣東話講解，服務細心周到!! 影咗太多相，好難先揀出10張，自己最鍾意第一張相影到壽司之餘又影到兩位師傅忙碌嘅一刻，食咗太多野只可揀幾樣重點講吓:▪️枝豆豆腐有濃郁嘅豆香，反而枝豆嘅味道唔係太重，搭配醬油湯汁同漬物杞子，refreshing!! ▪️京都真鯛肉質順滑，清鮮甜美，師傅應該係安排由淡味開始食到濃味，呢款作為開首嘅壽司非常適合!! ▪️靜岡池魚配搭蔥蓉來突出魚嘅鮮味，每款壽司師傅都會配搭佢覺得合適嘅醬油，所以枱面唔會見到豉油碟同wasabi!! ▪️鹿兒島赤身即吞拿魚嘅背部，含脂肪量小肉質結實有咬口，好似食到柚子味，師傅應該係掃上咗柚
我哋order左Lunch Ume Set/$1180，有15件壽司、2款刺身、前菜、甜品、湯同埋玉子燒，壽司刺身好高質，全部都係由日本各地運到香港，食Omakase除咗品嚐食物，坐吧枱睇主廚製作料理都係一件賞心樂事，感受到日本主廚嘅認真同埋一絲不苟，因為主廚講日文嘅關係，餐廳安排咗另一位店員幫手用廣東話講解，服務細心周到!!
影咗太多相，好難先揀出10張，自己最鍾意第一張相影到壽司之餘又影到兩位師傅忙碌嘅一刻，食咗太多野只可揀幾樣重點講吓:
▪️枝豆豆腐
有濃郁嘅豆香，反而枝豆嘅味道唔係太重，搭配醬油湯汁同漬物杞子，refreshing!!
▪️京都真鯛
肉質順滑，清鮮甜美，師傅應該係安排由淡味開始食到濃味，呢款作為開首嘅壽司非常適合!!
▪️靜岡池魚
配搭蔥蓉來突出魚嘅鮮味，每款壽司師傅都會配搭佢覺得合適嘅醬油，所以枱面唔會見到豉油碟同wasabi!!
▪️鹿兒島赤身
即吞拿魚嘅背部，含脂肪量小肉質結實有咬口，好似食到柚子味，師傅應該係掃上咗柚子味豉油，同赤身幾夾好味!!
▪️福岡間八魚
平時比較少食到嘅魚，好有魚油香!!
▪️鹿兒島中拖羅
比起大拖羅，我更加鍾意食中拖羅，油脂豐富，在表面就能見到細緻的雲石紋!! 食咗咁多件魚生壽司一條根都冇，厲害!!
▪️北海道馬糞海膽&三文魚子
迷你丼好可愛，海膽一啲苦味腥味都冇非常鮮甜可口!!
▪️東京深海穴子
肉質比起平時食開嘅鰻魚軟熟一啲，唔算好肥亦冇細骨，食到啖啖嘅鰻魚香味!!
▪️玉子蛋&小卷
玉子蛋由師傅親自製作，有三層不同口感，軟綿綿又鬆軟!!
另外要讚下個環境高貴得來又清雅，以竹同木等大自然為主題，尤其鍾意主廚後面果幅竹牆，透少少光入嚟作為背景影相好靚!!
我食完先知原來AK幫姜B慶祝生日嘅地方就係呢度，我哋係後知後覺又誤打誤撞咁嚟左打卡，好開心又滿足嘅一餐!!
張貼
