亀井鮨 (已結業)

放半晝探朋友班，跟著就帶咗我去呢間新開餐廳，話係日本開業超過百年嘅老店，香港係第2間海外分店~~ 早早去到不過窗邊位已FULL，但卡座位亦都夠舒適濶落~餐廳以木飾裝修為主，加上暖色燈光好有日系感覺，仲有一個長長壽司吧枱頗有氣勢。先點個香蔥鮪魚腩蓉手卷同三文魚子壽司當前菜~朋友超鐘意食刺身，所以我地點咗款特上剌身盛!刺身拼盤砌得夠靚，有赤身、三文魚腩、油甘魚、鯛魚、池魚王、間八、帆立貝、赤蝦，夠晒多款式~ 三文魚腩同油甘魚夠肥美，赤身同赤蝦都夠鮮甜，最鐘意用紫蘇葉包著赤身，魚鮮加上紫蘇葉獨有香氣，特別好食~滑蛋豬扒丼/雜錦海鮮天婦羅丼都配有麵豉湯一碗，滑蛋夠香而且豬扒大大份; 雜錦海鮮天婦就有好多款炸物，包括有蝦、兩款魚、菇同野菜，好豐富，最鐘意炸蝦，鮮甜又夠晒大隻!原來餐廳除有空運海外刺身食材，部分料理亦使用香港本地海鮮製成，真係估佢唔到~ 而且呢度係幾好坐，下次早D嚟坐窗邊望住海景應該更享受~~