影片
更多
2020-01-07
113 瀏覽
留意返，呢篇係我寫得最有心機食評⋯⋯🤩因為真係好好食！😍😍😍平時去食日本野，第一時間就係諗啲連鎖壽司店。我自問都幾鍾意日本野，但去完呢間鋪頭，發現自己以前都係太狹窄膚淺了🙈😝☺️我地叫左最吸睛嘅「浜燒蟹甲羅」（其實都係因為睇左個menu覺得呢個好吸引先行入去），「活貝盛合」（即燒海鮮拼盤）～ 「海膽蟹肉反卷」，同「樂·五點刺身」⋯⋯飽到呢⋯⋯⋯ 紀念日係咁㗎啦🥰原來係有專人幫我地燒㗎！！（如果唔係見到有人幫我地燒，要我地兩個自己燒真係懶到唔想叫～🙈）平時仲有歌舞表演添！！真係好似去左日本！特別點評：1️⃣「浜燒蟹甲羅」：除左蟹膏之外，呢間舖頭仲加左蟹肉，蟹籽，鵪鶉蛋，蔥花，自己嘅調味料！完全令個蟹蓋更有層次感！一路燒，仲聽到個蟹蓋加熱裂開嘅聲，蟹膏由開始偏薄身，慢慢變「傑」，厚身，淨望都知道十分濃郁！食落口味道一流！好味度：🌟🌟🌟🌟🌟2️⃣「活貝盛合」：豐富嘅燒海鮮拼盤，有鮑魚，蜆（好大隻！），蠔，扇貝，原條魷魚！鍾意食海鮮嘅岩哂！原來燒海鮮係咁講究，一時用清酒，一時用昆布汁，務求要夾返海鮮嘅味又不掩蓋原本海鮮嘅鮮味！（好在有Peter哥幫我地）鮑魚收水個程度啱啱好，鮑魚咬落煙韌有口感；蜆用清酒
平時去食日本野，第一時間就係諗啲連鎖壽司店。我自問都幾鍾意日本野，但去完呢間鋪頭，發現自己以前都係太狹窄膚淺了🙈😝☺️
我地叫左最吸睛嘅「浜燒蟹甲羅」（其實都係因為睇左個menu覺得呢個好吸引先行入去），「活貝盛合」（即燒海鮮拼盤）～ 「海膽蟹肉反卷」，同「樂·五點刺身」⋯⋯飽到呢⋯⋯⋯ 紀念日係咁㗎啦🥰
原來係有專人幫我地燒㗎！！（如果唔係見到有人幫我地燒，要我地兩個自己燒真係懶到唔想叫～🙈）平時仲有歌舞表演添！！真係好似去左日本！
特別點評：
1️⃣「浜燒蟹甲羅」：
除左蟹膏之外，呢間舖頭仲加左蟹肉，蟹籽，鵪鶉蛋，蔥花，自己嘅調味料！完全令個蟹蓋更有層次感！一路燒，仲聽到個蟹蓋加熱裂開嘅聲，蟹膏由開始偏薄身，慢慢變「傑」，厚身，淨望都知道十分濃郁！食落口味道一流！
好味度：🌟🌟🌟🌟🌟
2️⃣「活貝盛合」：
豐富嘅燒海鮮拼盤，有鮑魚，蜆（好大隻！），蠔，扇貝，原條魷魚！鍾意食海鮮嘅岩哂！原來燒海鮮係咁講究，一時用清酒，一時用昆布汁，務求要夾返海鮮嘅味又不掩蓋原本海鮮嘅鮮味！（好在有Peter哥幫我地）鮑魚收水個程度啱啱好，鮑魚咬落煙韌有口感；蜆用清酒煮，一熟即刻拎起，仲啱啱好保留返蜆本身嘅海水咸香，汁同鮮味；扇貝用昆布汁，又幾夾！最後條原隻魷魚真係賣相十分滿意，燒到個汁入哂味又上到色！
好味度：🌟🌟🌟🌟🌟
3️⃣海膽蟹肉反卷
我真係好鍾意食海膽⋯⋯ 呢舊反卷嘅海膽十分有誠意，啖啖肉，仲齒夾留香⋯⋯ （好食過我喺日本黑門市場食到嘅）
好味度：🌟🌟🌟🌟
最後一提，如果第日大家都有機會去食，記得叫Peter哥，佢係店入邊我覺得燒得幾好手勢嘅師傅，又細心解釋俾你聽每一項食材嘅最好食法。好開心呀，紀念日有完美嘅一餐！🥰🥰🥰
浜燒蟹甲羅
$68
13 瀏覽
0 讚好
0 留言
浜燒蟹甲羅
$68
18 瀏覽
0 讚好
0 留言
五點刺身
$368
21 瀏覽
0 讚好
0 留言
柚子啤酒，梅干燒酎
$128
11 瀏覽
0 讚好
0 留言
浜燒活貝盛盒
$388
6 瀏覽
0 讚好
0 留言
海膽蟹肉反卷
$168
16 瀏覽
0 讚好
0 留言
海膽蟹肉反卷
$168
26 瀏覽
0 讚好
0 留言
張貼
