和牛燒肉‧純 (已搬遷) 新店位置

去過日本既朋友都知道，係日本係燒肉係一件幾咁豪華同埋享受既一件事。充滿油份既牛肉放入口既個種感覺，真係可以令到人番到香港都念念不忘。幸好，係香港搵到間不錯既和牛燒肉點。放假，唔係唔享受下呀化？叫得和牛燒肉，重要加個純字，就可以知道呢度專賣和牛，而且重要用到個「純」字，証明對品質既信心。係香港做室內食肆，就真係冇咩可能用炭爐，但係呢個爐都幾好，受熱做得幾平均。叫左一個拼盤，三款唔同既和牛同埋一款豬腩肉。重點戲一定係左上角既和牛肉眼扒。西式食肉眼食得多，和牛燒食肉眼真係第一次。和牛上肉眼，D油脂真係望到都流哂口水，忍唔堤即刻開大個爐頭燒黎食！燒肉最開心既就係聽到D油脂聲「炸炸」聲咁，再望到D油脂係塊肉到滲出黎，口水都流埋啦。A5和牛既肉眼，食落去完全係感動如埋感動，唔洗點咬就溶於口中，真係好正！特選和牛油份冇和牛肉眼扒咁勁，肉味多番少少，但係絕對都係油份十足！牛肩眼相對之下比較肉味重D，但係都係非常腍同埋香既肉。講真句，係香港食到呢D牛，真係有種番到去日本既感覺！食到最後，全身都係牛脂既香味，好感動好爽！