一豆花

營業中

休息中

食完晚飯都仲係時間尚早，想食埋甜品，行下行下見到呢間一豆花，裝修用左稻草，好似一間茅屋咁，好有特色，我同朋友就入左去。好耐冇食過豆腐花，我地叫左兩碗，一碗係必食既熱黑芝麻糊豆腐花，同埋一碗凍既薑汁豆腐花。枱面上面有糖水同黃糖，甜度可以完全自己控制。佢地用既係加拿大非基因改造特選黃豆，日日現場即磨鮮委，包保新鮮，每支豆漿都用咗半磅黃豆去製，非常足料。除左豆漿同豆腐花，仲有小食，例如燒賣腸粉同魚蛋，另外仲有足料肉鬆粢飯，同埋自家制腐乳可以買返屋企炒菜！薑汁豆腐花 - 薑汁香濃，但唔會好辣，豆腐花好滑，重豆味，唔錯！黑芝麻糊豆腐花 - 黑芝麻有益健康，補鈣美顏又潤腸，味道香濃幼滑，再加埋香滑豆腐花，味道好夾，仲好大碗添，爭啲食唔晒。