鳳鳴石磨腸粉 (已結業)

一直以來都好鍾意食呢一類嘅布拉腸粉，加上呢一兩年都開始流行，其實都越來越多地方開咗呢類型嘅舖頭，但係唔係每一間都好食。之前試過好多唔同嘅腸粉店，暫時除咗呢間以外，全部腸粉都麻麻哋，皮又厚，蒸得又濕，一pat pat咁。但今次呢間係真係好食嘅！第一次嚟呢間舖頭食，就決定帶個最穩陣嘅石磨豬肉腸，腸粉好幼滑，同埋啲皮一啲都唔厚，由於我唔食辣同芫荽，所以今次淨係加咗芝麻同炸蒜同埋沖，啲炸蒜係畫龍點睛，令到成個腸粉都有味咗好多！值得一試！