盈苑海鮮酒家

營業中

休息中

盈苑的大吊燈金光閃閃好搶眼，梅花圖案牆壁似小亭園，環境大燈光明亮，擺酒得體，店員有禮貌。今次食嘅炭香窯燒雞套餐，有一隻窯燒雞同加一款小菜，我配白灼海生蝦窯燒雞送上枱時熱辣辣，比剪刀我哋開雞肉，剪開時雞油已滴晒出嚟，入口嘅雞肉滑溜，味道濃郁，其實4個人食都可以，兩個人食唔晒。白灼生蝦夠大隻，蝦肉口感爽都新鮮。椒鹽大尾鮮魷椒鹽鮮魷炸得唔油，鮮魷口感彈牙，魷魚鬚好爽口，鮮魷配啤酒一流。薑葱焗桶蠔打開煲仔渣渣聲，有薑葱蒜焗嘅蠔，香口又野味，桶蠔味道香濃。