Chip In Fish & Chips Bistro (已結業)

又一間不敵貴租金的小店要結業了。之前喺過两條街番工都從來無為意佢，睇見佢篇報道後就專登由元朗山長水遠出泥為左喺最後機會試下佢既炸魚薯條同影番两張相留念，香港人就是這樣，唔通呢啲就係本土文化。我太肚餓啦，所以叫左個魚柳包餐，個包口感相當香口鬆軟，可惜件炸魚就相對細左，我見其他枱的淨炸魚薯條是比較大件的。另外再加左個炸雞塊同洋蔥圈，平時麥當勞既麥樂雞就食得多，今次試點左，雖然都係一樣係急凍食材，但就估唔到會係咁juice同咁嫩咁有雞味。而洋蔥圈都是即叫即炸，非常香脆熱辣辣。由於成本問題，聽說結業後會轉做政府美食車，希望佢地投到啦，期待可再嘗。