Mee...lemongrass (ac四期) (已結業)

牛骨湯河 $72用牛骨熬煮左10個鐘既湯底好香濃🤤，入口仲飲到少少牛骨既鮮甜味，而且唔會好油膩😋。配料有牛肉、牛丸、牛腩同牛柏葉，牛腩軟腍入味，牛柏葉爽彈吸汁💦，可惜蘿蔔有渣。————————————————————Mee…喇沙 $84勁多材料既喇沙🍜，有蝦、蜆、魷魚、魚蛋、豆卜同雞蛋。湯底濃稠，椰味突出，配埋辣醬好惹味🌶！豆卜勁索湯，好正！蟹柳同魚蛋就麻麻，有啲普通😛。————————————————————香茅雞翼 $62熱辣辣好香口，不過雞翼醃得唔夠入味，淨係表皮有香茅味🧐。————————————————————香芒椰汁糯米飯$48個樣好似拖鞋hahaha👡椰汁偏甜，灑上花生碎幾香口🥜。糯米飯微暖，軟糯香甜。芒果好甜好多汁😍，仲有一小兜切粒芒果伴碟🥭，如果無渣就Perfect。