利寶閣 (已結業)

以為喺the one嘅酒樓應該都會幾貴，但係原來又OK喎。五個人叫咗上湯龍蝦伊面、炸子雞、燒腩仔、大澳啫啫生菜、杏汁豬肺湯最後再加一個香蕉拔絲。豬肺湯份量好多，雖然話係五人份量但係六個人飲都足夠有餘。龍蝦伊面不過不失，炸子雞有驚喜，附送嘅汁幾好味。比正常茶樓好食。燒腩仔份量有啲少不過幾好味，皮夠脆。最後嘅香蕉拔絲成功吸引全場嘅目光，好適合影相，只係$98幾抵。美中不足嘅係玻璃好反光，睇唔清楚好靚嘅夜景。仲有一樣可以改善嘅就係在場嘅人手有啲不足，經常要不停舉手先至叫到人黎。尖沙咀來講，公眾假期人均消費只係$200幾就食到咁多野其實真係算幾唔錯啦。