烏蠅館 (已搬遷) 新店位置

今日有d涷，所以專登同朋友黎左尖沙咀食想食好耐既烤魚。烤魚我地叫左龍躉，魚比較滑，多肉同無咁多骨。我地唔算好食得辣，但又鐘意辣味感覺，呢間餐廳有好多種唔同辣度比你揀，我地叫左招牌香辣，個味完全接受到，一個字-正！佢係有d烤魚加打邊爐咁既配搭 選擇都好多 菜單有肥牛類 麵食都有多種選擇 本身烤魚亦有香油令到配菜更香更吸味 食完條魚就可以點配菜配汁咁食 我地叫左炸午餐肉 鴨血 蛋 寛粉 豆卜 等等 個炸午餐肉好好味 😋 點下小小辣汁食更好食。鴨血亦唔腥，配汁一流！同時，佢地都有多款飲品選擇，我地揀左無糖既茉莉花茶加奶蓋 奶蓋好香滑奶味濃，茶味感覺清新。同行朋友點左蜂蜜茶，佢話都好好飲，好滋潤。而餐廳個環境都好闊落，坐得幾舒服，覺得幾岩朋友聚會傾下計，員工又好友善同幫得手。下次會再帶屋企人黎食烤魚😍