影片
更多
2010-04-30
6 瀏覽
香味屋，感覺地方都幾大，多位得哩又唔太密，雖然無靚景，無豪裝，但一室木材建構嘅裝修，幾有東南亞嘅味道，感覺悠然自在，不過，佢就絕對唔係齋賣東南亞嘅自助餐，食物款式都好多！服務方面可能人手差D，收碟慢咗，好多幾都 堆咗一、兩隻吉碟先有人收，但其他方便都好快手，如添水，補充食物…等等，普遍哩講侍應都好禮貌！ 各種食物由酒店一邊嘅入口，擺到去另一邊商場嘅入口咁滯，雖然今次我哋幫襯食下午茶自助餐，佢未用盡所以擺食物嘅地方，但我哋都覺得已經好多嘢食，樣樣類別都有，啱大人啱細路，啱長者又啱後生嘅，最重要係D嘢食都唔差，有水準。況且長期有折，折咗都係百鬆D，早餐食得豐富D，捱到晏晝食哩餐真係食完當晒午餐、下午茶同夜晚個餐啦，慳幾多呀！附近仲有個港鐵優惠站，順路嘟咗搭地鐵又慳多兩雞添。講過食物好多，包括：沙律、壽司、魚生、冷麵、多款小食（如炸蝦多士、雞翼、豬肉腸…）、咖喱、點心、中式炒粉麵同熱盤、車仔麵、丹麥酥、薄餅、鬆餅、生果、甜品、雪糕……等！你話喇，每樣食D仲唔飽到夜晚個餐都慳番咩。老實講，小弟唔係大胃王，一個人梗係無本事試齊咁多樣嘢啦，所以，我同屋企人都鍾意一齊分嘅，盡量樣樣都試吓，好食嘅就自
各種食物由酒店一邊嘅入口，擺到去另一邊商場嘅入口咁滯，雖然今次我哋幫襯食下午茶自助餐，佢未用盡所以擺食物嘅地方，但我哋都覺得已經好多嘢食，樣樣類別都有，啱大人啱細路，啱長者又啱後生嘅，最重要係D嘢食都唔差，有水準。況且長期有折，折咗都係百鬆D，早餐食得豐富D，捱到晏晝食哩餐真係食完當晒午餐、下午茶同夜晚個餐啦，慳幾多呀！附近仲有個港鐵優惠站，順路嘟咗搭地鐵又慳多兩雞添。
講過食物好多，包括：沙律、壽司、魚生、冷麵、多款小食（如炸蝦多士、雞翼、豬肉腸…）、咖喱、點心、中式炒粉麵同熱盤、車仔麵、丹麥酥、薄餅、鬆餅、生果、甜品、雪糕……等！你話喇，每樣食D仲唔飽到夜晚個餐都慳番咩。老實講，小弟唔係大胃王，一個人梗係無本事試齊咁多樣嘢啦，所以，我同屋企人都鍾意一齊分嘅，盡量樣樣都試吓，好食嘅就自己再添，另外，未必要為翻本搏命食貴嘢，但幾樣心頭好就梗係主打要獨食架啦，依個就係我嘅自助餐攻略。
先食沙律、生果同少少冷盤，等個腸胃醒吓先！夠凍夠爽嘅沙律菜幾時都咁好食，配埋新鮮生果、冷盤、魚生，加埋醬汁，自家製嘅沙律盤特別正。去Just Salad搞兜咁嘅嘢都盛惠三、四十啦！其次壽司、冷麵、多款小食、熱盤、點心同咖喱，祭祭個五內臟廟。跟住就係我依次嘅心頭好喇，丹麥酥、甜品、雪糕，其實一般自助餐都係俾D普通嘅餐包，好D嘅就多穀麥包，但依度提供唔少款式嘅牛角包、丹麥酥，加杯咖啡，一個人獨自頂咗4件加一小塊薄餅，去Delifrance買都十幾蚊件啦，所以依碟包點計番零售價絕對唔平架。雖然唔係新鮮出爐，但用熱力燈射住，保持微暖，加上酥皮散發牛油香，呷啖咖啡，食啖包，真係享受哩；然後，再決戰甜品同雪糕，甜品款式普通咗D，質素都OK嘅，係無乜太多驚喜啫，所以食得唔多，個人精選係抹茶卷蛋、紅莓慕絲，因為前者卷蛋鬆軟有清幽綠茶香，而後者酸酸甜甜嘅紅莓味好突出，慕絲做得夠柔滑；雪糕係Haggen Dazs品牌，唔講都知咩價錢，佢依度又有窩夫機，所以自家製作一客朱古力窩夫伴HD雙球雪糕配芒果及士多啤梨汁，正到爆啦！劇戰之後，又要捧住個肚走喇，好滿足。
張貼
