香味屋 (已結業)

Lunch buffet，冷盆／熱葷，款式多到離奇，已經分開上下集去吃（前後事隔兩週），仍然未試勻，試不完，吃不厭。食物新鮮可口，甜品精緻一流，還有脹卜卜生蠔、大切魚生、高級和牛，不能盡錄，總之就係平、靚、多、無出其右。不定期地，「頭條日報」有七五折的優惠折扣，折實及加一後，只＄１４２．８，委實抵食超值，所以還邀請了朋友。

要找一間好的自助午餐場所，的確很難。 這次，因為貪有coupon優惠，選了香味屋 它不是我吃過的最好的，也不是我所記憶的最差的... 這裏不過不失，前菜，沙律，甜品，中式，西式，日式，每一款也應有盡有，只是略為看不出有什麼特色和特別。 在這裏用場，談不上是中伏，也與期望中的相去甚遠，到底最好的自助餐在哪裏...未找到最好，惟有在此談談一餐很普通不過的自助餐： 首先，開飯的環境極度嘈吵。 有一刻懷疑它是不是酒店的餐廳，比較像一個墟...周圍都迫滿了人和旅客，和嬰兒的哭叫聲... 氣氛全失。 前菜，冷盤：沙律選擇不多，大路的選擇也是有一些。 冷盤海鮮有：青口，小龍蝦，生蠔，各樣火腿等等。 我拿了一些在碟上，忽然想起有沒有餐飲，便隨便舉手問一問侍應，誰知我還沒有說出口，侍應居然以為我是不要食物..... 把我剛拿回來的整碟食物倒了...我相信這是我第一次遇到這樣奇異的事情...其他食物林林總總，去相看：

是日地鐵壞, 請假去食餐好.....香味屋未有結業, 設自助餐在宴會廳, 之前泰式裝修, 廚師即場烹調, 食得有氣派, 現在好唔得, 好無食的氣氛,宴會廳場地細細, 用餐廳款的四方枱, 酒樓枱布, 一條條的排列在場中, 感覺怪怪不好坐 o服務好好, 讚! 食物大致差不多...., 好似小販開檔....一檔檔好近, 魚生檔 .. 宿在一角, 望落唔吸引, 無食, 轉食煙三文魚算數 P有蠔, 比以前要好少少, 新鮮 熱葷食物凍 , 等新出至食就 ok咖喱選擇少咗, 都唔夠地方放食物以前即煲粥頪, 現在只有一個電飯煲(有粟米無豬皮) 的 艇仔粥 多咗即切牛柳, 不過我比較 buy 雜菜炒 "和牛" mad:總結... 都係等佢裝修完至再幫襯....... Sorry......

是日朋友生日,訂了10點,所以不用等便有位了......全埸滿座,環境的確是有點吵!!走了一圈.......關於蟹的食物不多蟹類:試了一個炸蟹,炸粉不多,味道不錯只是蟹不細肉不多鼓汁三文魚: 夠味,好滑.......生炒骨: 其實是生炒肉,沒有骨的咖喱:有咖哩羊及咖哩豬,可惜只剩下菜&薯仔所以沒試牛肉(熱盤之一): 賣相很一般不吸引,但入口夠腍唔UN,右入味雙菇時菜: 菇好好味,但係當晚的小棠菜就有D苦壽司: 由於見到既時侯只是剩低飯,面的魚生全都不見所以沒試三文魚:都算OK...值得一食!! 出既次數都好多,可惜客人好似好耐無食野咁,一整都係,一盤約3個人便夾完生蠔: 新鮮,但不肥,比較細隻...都係熱搶食物之一,搶到連汁同檸檬都無哂要等凍蝦: 新鮮夠大隻甜品: 除了M字頭雪糕外其他都不太吸引服務: 不錯,會主動加水,我地自備左蛋糕,當送上時還會有講有笑仲唔會怕阻收工叫我地食完蛋糕可以去食生果,好難得!!總括而言: 以這個價錢食到這個水準真的是物有所值可惜環境比較嘈......另外就係好多都要搶,但呢個唔關酒店問題係客人問題.......如果好彩撞到私文客多就真係超值啦!! 計埋一切

由於有優惠券，朋友熱誠推介太子酒店香味屋的「蟹宴」宵夜自助餐。於是一行5人浩浩蕩蕩去到太子酒店3樓目的地，但見門外早已吸引數十老饕排隊取籌輪候入場。到了10時05分才有侍應生引領我們入內。入口沿路右邊是擺放食物的地方，先是雪糕、馬來亞糕點甜品、西式迷你餅食，轉角後是蛋糕、自助咖啡茶水站、四熱葷、中西兩例湯，旁邊是壽司吧、中式糖水、自制夾餅、朱古力噴泉、沙律吧、西式凍肉、迷你三文治、凍海鮮（有生蠔、小龍蝦、青口、凍蝦...等等）。再過兩步便是開放式的廚房，吧檯前陳列7款中式烹調美食、8款配料的生滾粥、鐵板和牛、即製喇沙、2款馬來美食、2款泰國美食、2款印度美食，最後的是白米飯和印度飯，食物檯全長少說也有15米。進餐時會有侍應生跟你講解果汁、汽水、啤酒需另外收費，任飲由每位$30起。宵夜自助餐主題是「蟹宴」，但真正與蟹有關卻不多，菜式只有蟹肉冬茸羹、黃金炒蟹、蟹柳蒸水蛋及蟹肉海鮮喇沙。接著以下是我開飯時間...蟹肉冬茸羹－用料單薄，拆蟹肉、冬瓜茸、蛋白，味道一般。冬蔭海鮮湯－主材料是蝦、混合雜海鮮、金菇、香茅、檸檬和南薑來熬，湯鮮甜酸辣。澳洲生蠔－新鮮開殼，帶有清淡海水味，蠔味亦濃。凍蝦－

生蠔: 唔係大隻, 但新鮮長腳蟹: 大量供應, refill 快 釀蟹蓋: 可以一試, 我食左三隻以上龍蝦仔: ok 魚生: 有三文魚 ok, 吞拿魚 有"根", 油甘魚, 八爪魚等 5-6款印度咖哩及薄餅: 有雞,豬及幾種醬料...冬陰功: 味道正宗, 但又唔係太辣和牛粒: 夠"淋" 但牛肉味唔夠仲有生滾粥及即煮麵..................每人仲有半隻焗龍蝦, 聞就幾香, 但食就無乜味雖然叫蟹宴, 係有約十種用蟹做的菜式, 不過, 好味的就唔多, 我覺得最好味係長腳蟹, 蟹蓋都幾好食, 其他有蟹羹, 黃金蟹的唔係無味就d蟹太細隻生蠔唔係大隻或好肥, 但新鮮, 其他食物我都係食少少試味都好飽, 食得最多都係長腳蟹, 完全可以好滿足, 不斷供應.....食到8點已經無乜人食都仲有好多係甜品唔夠多款, 但都有十幾款的.....有75折 $288算係咁

冷盤 - 生蠔 ok , 蝦 青口 龍蝦 螺 麻麻 , 魚生 sushi 冇食前菜 - 沙律吧 熱盤 - 牛油薯仔 ok , 菜 貝殼粉 甜品 - 朱古力噴泉 水果 印尼特色甜品 ... 我好多都冇食..雪糕係movenpick 熱情果 似忌廉芝士味 其他味好似冇咩特別咁..特色小食 - 片皮鴨 食左幾次 唔錯! 有生滾粥 冇食 !

「蟹宴」- 我和男友都喜歡食蟹, 所以慕名而至..... 訂位時已問清楚, 宵夜是否有蟹? 訂位小姐說有, 只是沒有長腳蟹及麵包蟹等等......全晚所見, 只有粉絲蟹煲及炸蟹拑,「蟹宴」- 實有欺騙之嫌..... 粉絲蟹煲 - 蟹是霉的.....炸蟹拑 - 男友叫我不用吃了, 我還是吃了半件放下, 原來是一團魚肉製品......生蠔 - 第一次吃了3隻, 無腥味, 第二次拿了5隻, 迫唔到去拿檸檬, 心想既然唔腥, 沒有檸檬, 沒有問題吧! 點知這一次有點腥, 沒拿第三次了..... 龍蝦仔 - 不是太肥美, 同酒店吃的無得比, 細了一點, 肉質有點削, 不是太多膏....... 翡翠螺 - 好大隻, 但不夠鮮甜爽口...... 三文魚 - 好肥美, 但係要搶好可怕, 我都係好多Round之後才拿到一點, 男友好奇問, 你是在那裡拿的? 我說是在生蠔旁, 常空的那個碟子就是了..... 蟹肉冬瓜茸羹 - 可以不吃, 假蟹柳加豆粉水打獻...... 冬蔭功湯 - 完全無料, 男友說有其形,無其實, 我喝了一口, 無特別, 一般.

呢個lunch buffet都好耐之前黎食啦..所以個主題都係台灣美食,而唔係最新ga娘惹.hahaaa!去到都幾多人..好彩book左位!第1round拎左oyster, lunch有oyster食真係幾抵! 我自己就麻麻地.但朋友鍾意食就抵返哂啦!仲有台灣鹵肉! 好味!!夾d肥豬肉!正!印尼粉絲都幾好味但如果熱食就好啦.印尼雞蛋salad 唔好味.d蛋好怪.....而且同我預期d沙律味唔同.第2round即食鹽酥雞! 睇落就好吸引,但粉太厚啦.似酒樓d炸魷魚蘇-_-豬肋骨正!香! 而且唔係鞋肉.而蔥油餅就一般... 粉太多食落好厚好硬... 飽哂!之後排蠔餅! 即叫即炸! 熱度夠哂!好油*_*但好夠蠔仔! 不過食落就淡淡油啦....第3round 食sushi ! 蛋好食! 有瀨尿蝦tim! 都幾多款!第4round食甜品! 都算多款! 個舊好似朱古力muss 的好味!好重朱古力味仲有朱古力粒!正!仲有鳯利酥食!hehehe過口引! 但唔好食....見佢放係個樽入面,..似係放左好耐無人食咁gecheese cake好靚好味!! 細細件好得意!!第5round認住有tiramisu

朋友生日想食蠔.....試過book其他酒店既晚餐唔係爆budget就full左......咪再次黎食今次同上次比我覺得唔錯照舊一樣有大量蠔提供.....不停咁出.....D人不停咁食......最後仲有貨繼續出但無人拿啦......質素都唔錯.....上次就好多碎.....今次無碎......要贊好三文魚刺身.....唔錯.....都新鮮架.....不過同上次一樣都係切唔開既多左隻刺身.....應該係立魚......我就覺得麻麻啦壽司都有成4款.....都係不停咁出......一定有貨和牛：今次好食好多，好軟、又有汁......可惜唔知點解今次5個人得2塊牌仔.....每次黎都係得4粒和牛咖喱.：雞、魚同雜菜......同上次一樣都係唔熱既燒物.：都係得雞翼同魚.....水準仍然保持.....上次d魚個賣相好唔惦.....今次仍然唔惦.....但朋友食過話唔錯雞扒：應該係熟食中最好食抄飯：都ok啦....不過不失.....但今次d料好似無乜生抄骨：惦....唔太酸.....最緊要係無乜骨甜品：差唔多款款都有食，有gree tea cake.....mango黑糯米......chee

間餐廳環境就一般喇,可能我地座得太近門口關係啦!野食方面對於LIKE食蠔GA人黎講係超值,佢會不停REFILL之餘仲要會有唔同GA品種出,因為我食左3轉,3次蠔都唔同味.同我平時自己買$四五十蚊隻個D比較係瘦D啦!而其他凍海鮮有青口,螺,蝦味道一般,可以唔食,刺身方面唔錯.而熟食方面選擇很少很普通,只得咖哩同串燒好食,串燒要等好耐.甜品有H字頭雪糕食,仲有成8種味,但其他CAKE 選擇就唔係太多,但味道都GOOD.整體都算唔錯GA,但唔食生野ga人,就唔好去食喇!

一行5人, 相約於大家都未食過的Harbour City 太子酒店 Spice market, 去繼續進行我的生日飯。3:10pm去到 (3:15pm開始), 唔比入, 又唔同人講要點做, 淨係叫我地等一等 ; 有訂位都要攞飛, 攞完飛仲要排隊, 搞到好似唔洗錢去食嘢, 當我地係”難民”?!?!。可能係天氣太熱、現場冷氣唔夠, 我同友人都好燥, 差不多要鬧爆個receptionist, 因為個receptionist淨係”忙”自己點分配d枱, 根本無理會過企咗好耐的人客。而我同友人因為receptionist唔理我地 (直情都唔同你個booking點名住), 就行開一邊先 (因為陸續都有人諗住入場), 點知我地一行開, 個receptionist 就話book咗tea buffet的人可以開始 ---- 排隊, 咁d人就一窩風咁湧埋個reception位, 我同友人真係火都嚟, 唔夠幾秒前唔理我地, 我地一行開少系就叫人排隊….玩咩….。臨尾個receptionist唔知係咪見我地嘈得利害, 就話比張近攞食物的枱我地坐。(個位都ok, 因為原本佢打算比我地果個位, 勁近harbour

尋日同女友響home煲足一日電視.....加上又3點幾4點先食野咁咪決定同佢食宵夜buffet7點幾打去訂位.....仲有位.....話10點先開始真係10點先放人入去坐低左即刻同女友去拿野食啦首先係食凍食有螺肉、3文魚、龍蝦仔同生蠔螺肉我無試.....3文魚都ok啦......不過就......切好有3問題......切到好核突下......有好多塊都無完全切開.....癡埋一舊龍蝦仔.....我不嬲唔多識欣賞既.....不過女友剝到.....都食左3隻生蠔......我不嬲都唔識分好唔好......但我都覺得應該好麻麻.....食左5隻到啦......有3隻都有d碎響生蠔到跟住食熱食蒜蓉3文魚.....我就食唔出有蒜蓉味.....不過幾好食咖喱豬.....無咩特別.....仲要唔熱.....不過有薄餅黎食.....都ok啦有燒物....雞翼同唔魚......雞翼都幾好食......不過d魚賣相衰到爆.....無食到炸羊比.......都ok la.....泰式炆雞......正呀.....食左2次湯......飲左碗唔知咩既番茄湯.......口感好怪.....試左就算海鮮抄飯..

第一次試香味屋的午餐buffet，約$158一位，d野食同dinner唔係差好遠咋，感覺好抵。生蠔:好正！會不斷供應，以午餐的價錢有得食真係唔錯。可以自己整凱撒沙律，好滿意熟食有沙爹串燒、海南雞、中式魚柳(這個d汁好正！似去飲蒸石斑個種)等，另有自選配料煮粥。另一讚是印度野食，咖喱好惹味，幾辣，d薄荷沙律好特別。刺身不過不失，藍莓芝士蛋糕有好濃的芝士味，夠硬身，我鐘意~哈根大師ice cream午餐buffet都有4種口味，食左好多次士多啤梨~~`仲每人送茶或咖啡~dinner buffet好似無tim下次會再去~~~

我們一家和嫲嫲、叔叔們一起到這類吃自助晚餐，這裡剛好以不同地方的美食為主題，有台灣、新加坡、日本、中國、西菜......等等。環境尚算舒適，食物種類超多！有蚵仔煎、肉骨茶、人參雞湯、和牛、沙嗲，而他的甜品廊實在太長了！簡直令人驚歎先由前菜說起吧，凍蝦夠大隻，每隻色澤光亮，新鮮爽口，和醬汁一起吃更能帶出其美味！而刺身特別推薦象拔蚌！雖然切得不算厚，但吃下很鮮甜，而且很彈牙，能帶給我驚喜！其他三文魚就一般。而沙嗲就當然不及新加坡的好吃，有點失望...因為他的肉質很硬又不太有肉味，加上沙嗲醬味道不特出，欠缺了股香料的味道，我吃完一串就沒再吃了。至於蒸魚，肉質幾嫩滑，沒有太老也不會過咸；另外特別說明和牛和龍蝦吧！每桌有2個牌仔，把他們交給和牛師傅，當他們燒好後就會親自奉上，而且可以不斷叫！每碟有2小塊和牛，每粒都相當厚身，放入口中，先傳來一股濃郁的牛肉味，咬下去有許多的肉汁，驚喜的是還保持嫩滑，因醬汁的關係會甜甜的，非常match！而龍蝦我就覺很一般，一來他的肉燒得較老，沒有了鮮味，二來他的醬汁不太好味，所以整個就麻麻了。印度薄餅的專欄可以看到師傅即席將一舊麵粉轉幾轉，就幾成美味的薄餅，我們看