馬六

營業中

休息中

今日俾我搵到一間食下午茶既份量都可以好似正餐咁豐富既餐廳! 叫左無骨海南雞飯 ($42)，雖然佢寫左輕量，但其實當正餐食都得，幾大碗下，好抵食。海南雞一定嫩滑就唔洗講啦，我都幾鍾意佢個醬汁: 黑豉油、蒜蓉及辣椒醬，我覺得黑豉油夠味杰身D，比起另外兩隻會濃味D較好味。連埋個油飯就非常夾!!叫左個馬拉盞通菜 ($26)，原來都幾辣，但好惹味，辣味、蝦味都好突出!!成碟菜都好爽口好翠綠，用料幾新鮮，份量都係好足，算幾大碟!加左($8) 叫左個鮮柚子沙冰，超好味! 真係有柚子肉，而且佢係酸酸甜甜咁，好醒胃，佢個沙冰都幾厚，但飲落又滑又細，天氣咁熱最岩飲返杯沙冰!!坐既環境都幾舒適，我見佢調味粉度有喇沙葉好想試下咩黎，但因為我叫既野冇湯，難D試到，下次再試下。