Funky Monkey

營業中

休息中

貓貓今日過左個超放鬆既星期五。好有異國風情既酒吧，原來酒吧仲有好味既餐食。貓貓今日要飲醉！貓貓order左個monkey colada。好有夏天既感覺，好似去左夏威夷咁。見到杯cocktail都好開心。有貓貓愛飲既菠蘿味，同埋Malibu。成個感覺好夏天麼麼茶。加上天氣開始轉熱，呢杯cocktail真係好啱呢個天氣同氣氛。貓貓既餐沙律都好靚。大大塊芝士片，沙律好fresh，酸味同甜味整得好，好開胃。貓貓期待既peri peri chicken原來咁大份！半隻燒春雞，好香既辣醬，惹味又熱辣辣。切開入邊仲出緊煙，燒春雞整得出邊乾脆，入邊好軟滑，貓貓濕左個嘴啦又。辣醬唔會好辣，係貓貓接受到既辣，食得開胃。特別既係，薯角係用番薯黎整。甜甜地都幾好味，番薯角炸得好脆，貓貓鍾意呢個口感。甜品都整得好滑，而且唔會濟。貓貓覺得呢個套餐真係好抵同好味！貓貓覺得係呢度食野好有氣氛，而且價錢唔貴，野食都好好味。貓貓好鍾意馬嬲仔酒吧。