莆田 (已結業)

媽媽之前經過見到莆田門口推廣黃花魚燜飯嘅廣告就比佢深深咁吸引左，今日見到無乜人就去左食喇。由於時間尚早，大概6點鐘，所以唔洗等位就入得。必嗌嘅就一定係呢個一早睇中左嘅黃花魚燜飯！無論賣相同味道都相當唔錯，每一粒飯都沾上左黃花魚湯汁，飯嘅軟硬度拿捏得相當好。黃花魚就比較少，不過無乜骨，都幾好飯。然後呢個煎蠔餅都不錯，感覺似係即叫即煎，熱辣辣的。蠔嘅份量都唔少，唔會食落覺得成口粉。另外佢配左一個好特別嘅泰式醬汁，沾左汁食又另有一番風味，好似食緊泰菜咁。叫左兩個包黎試，好似炸饅頭咁，不過佢配左啲肉絲炒洋蔥用黎夾係包入面食，食落一啲都唔膩，好香脆好惹味。呢個腸都幾特別，有好多好多層，然後仲有個蠟燭仔熱住佢，都幾好食嘅。最後係爸爸一早睇中嘅芋芯，本身唔食芋頭嘅我都覺得好好食！佢外脆內鬆，外面似係煎脆左嘅焦糖，入面係好粉嘅芋頭，係十分好食！整體而言，莆田嘅食物都幾好食，雖然價錢會貴少少，不過都值得再去食！