影片
更多
2009-05-28
21 瀏覽
今晚同老公2人想去7樓既泉章居食晚飯, 點知7點半去到爆晒場, 要等多10張既2人枱先到我地, 我地決定唔等, 落樓下既潮州村試一下. 去到都唔洗等位, 全場幾細下, 仲要得7-8成滿. 1. 先叫了胡椒豬肚湯, 哩個湯我地每次食親潮州野都會叫. 哩度既豬肚湯都好多料下, 有酸菜, 豬肚, 豬腸同大量白胡椒, 好夠辣味, 除左火喉差少少, 其他各樣都不錯. 2. 卥水鵝肝$58, 鵝肝切得好大塊, 不過食落口就一d甘香都無, 軟淋淋, 可能係因為用卥水整既關係, 始終都係鍾意食燒過既鵝肝. 除左面果層係鵝肝外, 底果一層係切得厚厚的卥水豆腐, 但係卥水唔夠入味, 直情食唔到卥水味咁滯, 哩碟野size夠晒大, 但係成碟都無乜卥水味, 差:, 差, 差!!!! 3. 川椒雞球$68, 原本我叫哩個係想食d珍珠葉, 雞球只係配角. 可惜, 成碟都煮得太多油太多醬汁, 所以8成既珍珠葉都被浸到淋晒, 就算無被浸淋既珍珠葉都炸得多左少少油, 失去了 "入口即溶" 既感覺. 很失望 =0= 至於配角雞球方面, 味道好普通, 又唔滑又無雞味, 雞又吸唔到d川椒味, 食落口就好似川椒醬汁同雞
1. 先叫了胡椒豬肚湯, 哩個湯我地每次食親潮州野都會叫. 哩度既豬肚湯都好多料下, 有酸菜, 豬肚, 豬腸同大量白胡椒, 好夠辣味, 除左火喉差少少, 其他各樣都不錯.
2. 卥水鵝肝$58, 鵝肝切得好大塊, 不過食落口就一d甘香都無, 軟淋淋, 可能係因為用卥水整既關係, 始終都係鍾意食燒過既鵝肝. 除左面果層係鵝肝外, 底果一層係切得厚厚的卥水豆腐, 但係卥水唔夠入味, 直情食唔到卥水味咁滯, 哩碟野size夠晒大, 但係成碟都無乜卥水味, 差:, 差, 差!!!!
3. 川椒雞球$68, 原本我叫哩個係想食d珍珠葉, 雞球只係配角. 可惜, 成碟都煮得太多油太多醬汁, 所以8成既珍珠葉都被浸到淋晒, 就算無被浸淋既珍珠葉都炸得多左少少油, 失去了 "入口即溶" 既感覺. 很失望 =0= 至於配角雞球方面, 味道好普通, 又唔滑又無雞味, 雞又吸唔到d川椒味, 食落口就好似川椒醬汁同雞球溶合唔到. 由於太多油, 我地食食下, 都要 "long" 起隻碟隔去油份.
4. 糖醋麵係我地叫咁多野中最好味的一樣, 好脆口, 又唔油膩, 另外值得一讚係個"醋", 香得黎唔會"拿"口 好味.
埋單2位加埋$300, 服務又唔係好, 我覺得銅鑼灣區, 如果2個人拎$300食晚飯, 太湖海鮮酒家就好得多, 可以食到佢地3餸連得獎名菜芝麻雞; 再唔係去泉章居2個人都係$200, 己經有名菜沙薑貴妃雞+西蘭花班腩+湯. 潮州邨我唔會再幫襯, 如果想食潮州野, 不如去灣仔的潮州世家仲好味得多, 服務周到得多, 裝修靚而且價錢仲平d添.
張貼
