樂天皇朝 (已結業)

唔知道原來尖沙咀都有樂天王朝，今日同媽咪過嚟食飯，想試吓上海菜。聽聞佢哋嘅白色小籠包好出名，有我最鍾意嘅黑松露味，芝士味，唔同顏色都有唔同嘅味道，好特別哦！當然唔少得係要嗌前菜例如醉雞，海蜇頭，鍋貼。自己最鍾意食海蜇頭，因為醋味好濃郁，仲有青瓜添！之後當然有主菜，例如上海炒年糕，松魚。上海炒年糕好入味，唔太鹹，條魚炸得10分香脆，酸酸味味咁好開胃！要值得一題，就係佢個前菜花生好好味！旁邊亦有醋同埋ginger俾你自己添，食小籠包一流！