新記雞粥 (筲箕灣道)

營業中

休息中

今日放左工同老媽即興去左筲箕灣，見天氣凍番，就想試下元朗名店新記既粥喇，一入到去睇下餐牌，都幾多選擇，除左粥，小炒呀、小菜等等都有供應~今次就梗係黎食粥啦！蠔仔粥 （$45） 蠔仔份量都多，而且粥底好綿，上到黎熱辣辣，成個人即刻暖晒。泥猛粥（$35）+ $12 黃鱔 + $12 田雞老媽就試左泥猛粥，媽話泥猛做底個粥底會最甜，佢就再追加黃鱔田雞，田雞肉好甜好扎實，全部加埋老媽話超正！蜆介鯪魚球（$42）食粥感覺一定要叫呢個！鯪魚球熱辣辣上場，鯪魚肉彈牙爽口，好扎實好少碎骨，加埋咸香蜆介醬，好開胃。手撕雞(＄42)份量好多，海蜇彈牙，雞肉份量都唔少~ 但個醬就好似有啲怪怪，ahahha如果佢無咁杰身應該會好味勁多！！！脆皮乳鴿（$51）皮脆肉鮮嫩～，但就一定唔會好似大酒樓級數架喇就!不過都係OK既!! 街坊小食~~ 總括黎講，新記粥品同其他菜式水準都不俗，最重要係價錢親民，要喺舊區生存，呢樣好重要。