炊豕店 (加路連山道) (已結業)

朋友知道我鍾意食啲重口味嘅嘢食，有日就跟咗佢哋去佢哋介紹嘅餐廳「炊豕店」，係一間岀名食蔥油豬扒嘅餐廳。餐廳有解釋「炊豕」兩隻字點謮同埋背後嘅意思，「炊」讀吹，即係燒火做飯嘅意思，「豕」謮始，即係豬，由甲骨文演變過嚟。餐廳最岀名除咗蔥油豬扒，仲有款叫大阪燒豬扒，唔知咩嚟，呢款就等下次再嚟先試，今次我就跟朋友推薦嗌咗個蔥油豬扒撈粗麵。碗蔥油豬扒果然好多蔥油，真係好多蔥油，呢樣好重要所以要講多次真係好多蔥油，對於我呢啲重口味嘅人嚟講簡直係天堂。炸豬扒熱辣辣，keep到佢啲肉汁喺裏面，另外除咗大量嘅蔥油仲有大量嘅炸蒜，撈埋啲粗麵味道非常之夾。唯一缺點係食完之後成口都係油，雖然係好食，但係絕對唔可以成日食。另外外賣自取有八八拆，不過可惜我唔喺呢頭返工。