影片
更多
2023-03-24
40 瀏覽
茶木係香港有多間分店，實力有一定保證～今次嚟到屯門分店，依然有驚喜～1️⃣羅氏大頭蝦意大利麵⭐️⭐️⭐️⭐️大頭蝦超級好食!蝦頭好多膏，好甘香鮮甜；大蝦蝦啖啖肉又彈牙又實肉😋配合秘製醬汁同埋淥得好有口感嘅意大利麵，有兩百幾蚊一碗嘅西餐廳質素～最抵係可以再追加小食，好似一個set咁再叫珍珠奶茶粟米溏心蛋，好豐富好飽肚！2️⃣溏心蛋&麻辣豬耳⭐️⭐️⭐️⭐️溏心蛋熟度剛剛好，保持到蛋白嘅嫩滑，內裏嘅蛋黃金黃通透，食到停唔到口，前後忍唔住叫咗兩隻！麻辣豬耳唔會太辣，恰到好處，惹味得嚟豬耳好煙韌有嚼勁～3️⃣珍珠奶茶&鐵觀音雪糕⭐️⭐️⭐️最後就係茶木最主打嘅台式珍珠奶茶～所有茶類製品都好香茶味，烘焙技巧一流，製作出嚟嘅鐵觀音雪糕亦都好香濃，感覺好特別，好少食呢一種自家製嘅雪糕。唔係淨係好似坊間一般嘅雪糕一味得個甜字，而係有層次，既有茶香，甘中帶甜，又有少少澀嘅後勁。總括而言，如果大家喜歡台灣菜，或者鍾意茶/珍珠奶茶，一定要試吓茶木！
1️⃣羅氏大頭蝦意大利麵⭐️⭐️⭐️⭐️
大頭蝦超級好食!蝦頭好多膏，好甘香鮮甜；大蝦蝦啖啖肉又彈牙又實肉😋配合秘製醬汁同埋淥得好有口感嘅意大利麵，有兩百幾蚊一碗嘅西餐廳質素～最抵係可以再追加小食，好似一個set咁再叫珍珠奶茶粟米溏心蛋，好豐富好飽肚！
2️⃣溏心蛋&麻辣豬耳⭐️⭐️⭐️⭐️
溏心蛋熟度剛剛好，保持到蛋白嘅嫩滑，內裏嘅蛋黃金黃通透，食到停唔到口，前後忍唔住叫咗兩隻！麻辣豬耳唔會太辣，恰到好處，惹味得嚟豬耳好煙韌有嚼勁～
3️⃣珍珠奶茶&鐵觀音雪糕⭐️⭐️⭐️
最後就係茶木最主打嘅台式珍珠奶茶～所有茶類製品都好香茶味，烘焙技巧一流，製作出嚟嘅鐵觀音雪糕亦都好香濃，感覺好特別，好少食呢一種自家製嘅雪糕。唔係淨係好似坊間一般嘅雪糕一味得個甜字，而係有層次，既有茶香，甘中帶甜，又有少少澀嘅後勁。
總括而言，如果大家喜歡台灣菜，或者鍾意茶/珍珠奶茶，一定要試吓茶木！
張貼
